Popular Bible Verses from Málikɔ 13

Share

Ɓakpa ɓɔbu ɓánókangeande ka nyɔngɔ ani. Nkpa nde aphiphiande gǎkɛ tambaga ndɔ na ka sungiaga í, mmbɔ aámbé aamande ka měma.»

Eya, ɛ́ngɛphani, ɓókoɗɛmbɛ. Nga, ɓókóoúba esa ndɔɔ.

Cɔ, mbenɔ nde ɓánókiɗisande ka ntua ka tɔnga anu, ɓókóianɛgɛmbɛ phɔ́ ka nyɔngɔ á ɓoabi nde ɓosikisande. Ka mbenɔ ndɔ, yɔngani tɔ yɔnga nde anobikiande ka mɔ̌. Nga, nna gǎkɛ ɓenu ɓáunge ɓɔyɔngande, a ndiu Měma á kanga ɓojeɗe aunge aɔyɔnga.

Koba na mokonda, anyɛ́nyande. Nyɔngɔ nɛmɔ gǎkɛ unge kányɛ́nyɛku.

Ka nyɔngɔ á esa ndɔ na mbenɔ ndɔ, nna na nkpa nde aoúba ú. Kaɓɛ ɓamalaéka na koba, kaɓɛ eme Muna-Nkpa, tɔndɔ Abɛ.

Mbenɔ nde ɓɔɔ́kaeka nyɔngɔ émani á bíbí na nnde á ɗanga, ɓókóɓɛmbɛ na kɔɓɔɓɔkɔ í. Nga, nndɔ bui akeni átɔtɔkɛanɛ. Nndɔ kaɓɛku gǎkɛ sungiaga á mokonda.

Ɓondɔ unge negi, ɛngɛphani. Nga, ɓókóoúba mbenɔ nde mɛna-endu ajuande, kaɓɛ ɔgɔgɔ, kǐpha, ka ɔsa á kɔkɔ, na kamɓimba. Aoɓá n'asɛnɛki, cɛɗɛ! kanódondɛmbɛ ka tɔ̌. Nyɔngɔ nde nɛnɔtɔ̌mi, atɔ unge nɛ̌tɔ̌mi ɓakpa ɓɔbu. Cɔ, ɛ́ngɛphani!

Ande gea te: Ɓato á k'ékuna moci ɓámanande na ɓato á k'ékuna nɛngbo, koɓoamɛ moci amanande na koɓoamɛ nɛngbo. Na ɓato á ka koɓoamɛ moci ɓámanande na ɓato á ka koɓoamɛ nɛngbo. Ɓaningina aɗengisande ɔma ɗanga-ɗanga. Nja aguande phɔtɔ k'óma ɗanga-ɗanga. Kema ndɔ bui aɓande ɓea ɓoaé á k'ama mosá-mosá.

Eya, mosá á sungiaga á mokonda, akeni Mbino-Ánjá áɛmbɛ ka ɓato á k'ékuna bui.

Nga, ɓakpa ɓásii ɓábikande k'ína ani. Nkpa na nkpa ayɔngande: ‹Eme aámbé, nende Kiísito.› Ɓáedemagande ɓakpa ɓásii phɛɛ.

Ɓenu gǎkɛ, ɛ́ngɛphani. Ɓakpa ɓánɔtɔngande ka ntua á tena á nyɔngɔ. Ɓánóɓindande phɛɛ suɓi éndu á madondanɔ ndea Ɓayúda ka nyɔngɔ á Mokonga. Ɓánóbisande ka njaga á ɓakɔta na ɓaamɛ ka nyɔngɔ ani. Kó, ɓɔ̌tɔmiande gǎkɛ nyɔngɔ nɛmɔ.

Nga, ɓakiísito á mbɛa, na ɓaɔtu-nyɔngɔ á mbɛa, ɓákiɗianande, ɓáɔtɔtɔkisa ketangaɔ na mphangiɔ ángbó phɛɛ ka dema á ɓunde Mokonga aɛsɔmbu.

Mpɔ k'ésa ndɔ á tambaga, maní aɓande kaiphiɔ, songe kábɛnyɛku. Ɓasɛɛngɔa ɓáguande. Na kema ákpɛkpɛ bui nnde á na koba, aɗengande.