Popular Bible Verses from Lóka 17

Share

Mpɔ Yéso áongoɗea mɔkɛni ndɔ: «Má! Ógɛ. Ɓeekea nɛkɔ akoamisi ka měma.»

Aoɓá n'aogi ájeɗe mɔngɔ ngianjaga iɓɛ (7) k'ésa moci, n'akosikíígi goto mɔngɔ ngianjaga iɓɛ (7) geae, neɓeeki ɓojeɗe nɛmɔ, cɔ, ônímia ú.

Moci sɔsɔɓɛ aɓɔ, mbenɔ nde aɔni gea, ɗáami, áoja mbusa n'aombeba Mokonga k'ɛ́sɔ akpɛ. Áobika, áokpúngbumana k'écinji á Yéso, endóndó akɛ áogbondoa oɗo, áonsega. Nkpa ndɔ, ɗátú gǎkɛ Mosamalía.

Kaɓondɔ, ɛ́ngɛphani! Aoɓá muna-amakɔ n'aogǐí ɓojeɗe, nkeea. Aoɓá n'aɓeeki ɓojeɗe nɛkɛ, íma ɓojeɗe kau.

Mpɔ Yéso áogea: «Ai! Ɓundɔ ɓátóami ɓákátú nkama (10)? Cɔ, ɓundɔ ngianjaga gena (9) ndɔ ɓá gǎkɛ wani?

Yɛ áǒsikisia gea: «Atúoɓá ɓeekea nɛnu na ɓɔbɔbɔa í n'aɓea miki á mbuka, ámbé ɓɔɔtɔka na ɓongoɗi me á mukuyu nde: ‹Phúikana, ógɛ ɔ́tɛɛ k'óɓenge.› Atógeande ɓíndɔ ɓonsosi.

Nkpa nde aokaɓa amba enda akɛ, aɓúngisande. Nkpa nde aɓúngisi gǎkɛ enda akɛ, aámbé aámbande.

Yéso áǒngoɗea ɓagoigi nɛkɛ: «Aɓá tɔ na kema nde aǒɓotea ɓakpa ka gea ɓojeɗe. Cɔ, ande ngomi ka nkpa nde abisi kema á kau. Ambe ɓámɓɔɛɛ na moimba ka kingo, ɓámmakɛ ka kiba á oɓenge ɗǔ! Ka gea te, kangusɛmbɛ ka ɓaniki nde moci.»

Kema nde ɗágeani ka saga ndea Nɔ́a, ageanande phɔtɔ ɓó k'ésa á ja ani eme Muna-Nkpa. Nga, ka saga ndea Nɔ́a, ɓakpa ɗáɓáoeaga, ɓáonoa, ɓáǒɓoaga ɓake, ɓake ɓáɔɔmana na ka ɓî Nɔ́a ɗáge okambea ka koko ángbó. Mbusa, túma á iɓo phɛɛ áoɗaka oɗo bui, ɓakpa ndɔ ɓáotinda ɓɔbu.