Popular Bible Verses from Marcos 9

Share

Cacëxun ca Jesusan cacëxa: —Minmi ꞌë, ca ꞌaxunti ꞌicë quixun sináncëbëtan cana ꞌati ꞌain. An ꞌëmi catamëquin, ꞌën cana asérabi ꞌaxunti ꞌai quixun sináncë uni a cana uisa ñu cara abi ꞌaxunti ꞌain.

Cacëxun ca munuma banaquin a tuacën papan cacëxa: —Min camina camabi ñu ꞌati ꞌai quixun cana ꞌunanin. Usa ꞌaínbi camina, upí oquinra ꞌunánun ꞌë ꞌaquinti ꞌain.

Usoquin ꞌabiania xubunu atsíncë ca aín ꞌunánmicë unicaman Jesús cacëxa: —¿Uisa cupí caranuna nun a tuánu ꞌicë ñunshin ꞌatima chiquíncasman? Usaquian cacëxun ca cacëxa: —Nucën Papa Dios pain pima samáquin ñucáquin cuni ca unin ësa ñunshin ꞌatima chiquínti ꞌicën.

Ësa ca. Tashix ca asábi ꞌicën. Asábi ꞌaíshbia aín muca nëtëtia camina uisaxunbi amiribishi mucotëcëntima ꞌain. Mitsúxbi ca tashisa ꞌit. Bëtsibë nishananima ca nuibanani bucucan.

Uicaman cara ꞌëmi sinánquin ënë tuásaribi ꞌicëa —ñuumara ca —quixun unin sináncë uni a ꞌaquinsa ꞌicë nuibaquin ꞌaquinia, an ca ꞌëribi ꞌaquinia. Usaquin ꞌaquinquin ca ꞌëishima, an ꞌë xuá, aribi ꞌaquinia.

Asérabi cana ꞌën mitsu cain, uinu ꞌicë unin cara, Cristonan camina ꞌai quixun sinánquin ꞌumpax mitsu ꞌinania, an ca aín cupí biti ꞌicën.

Ësaquinribi ca Jesusan cacëxa: —An uni ꞌimainun tuá ꞌëmia sinánti ënun quixun ꞌatima ñu ꞌamiquin ꞌuchamicë unix ca aín ꞌucha chaira ꞌicën. Usa ꞌaish ca aín ꞌucha cupíbi ꞌaisamaira oquin castícancë ꞌiti ꞌicën. A unix ca anun ñu rënti maxax ami tëtëcërëcatancëxun parúmpapa nëbë́tsi nicë́xa uni nanë́cësamaira oi ꞌatimaira ocë ꞌiti ꞌicën.

Min bëru anun ñu isi ꞌatima ñu ꞌati cuëëncë ꞌixun camina ashiquin manuquin ënti ꞌain. Usoquin ꞌai camina min bëru achúshi ëchíxun nicësa ꞌiti ꞌain. Mix bëru rabë́ñu ꞌaíshmi manë tsinu anuax tëmërai cuantima cupími min bëru achúshi ëchíxun niti ca asábi ꞌicën.