Popular Bible Verses from Marcos 4

Share

Cacëx bësuquinshi ca Jesusan suñúan —ca nëtët —canan parúmpaparibi —ca bucubut —quixun cacëxa. Cacëxëshia suñúan nëtë́ishimainun ca baca bëchúnribi nëtë́acëxa. Usoxun ca Jesusan aín ꞌunánmicë unicama cacëxa: —¿Uisacatsi caramina racuëtin? ¿Nucën Papa Diosan ca asérabi nu bërúanquin ꞌaquinia quixun caramina sinaniman?

Cacëx ca ratuti racuëti canancëxa: —¿Uisa uni cara ënëx ꞌic? Suñúnbi, bacánbi ca aín bana cuatia.

Usai ꞌia oquin ca aín ꞌunánmicë unicaman Jesús manë nunti tsipúnua chupami tëcë́pimëti ꞌuxcë bësúnquin cacëxa: —¿Cananuna bamai quixun caramina sinaniman?

Usaquin catancëxun ca ësaquinribi Jesusan cacëxa: —Mitsun cuacë banacama upí oquin cuaquin camina a bana quicësabi oquin ꞌati ꞌain. An ꞌën a ñuixuncë bana uisai quicë cara quixun upí oquin sinánquin axa quicësabi oquin ꞌacë uni a ca ꞌën bana itsiribi Nucën Papa Diosan ꞌunánmiti ꞌicën.

Ësaquinribi ca Jesusan cacëxa: —Nucën Papa Diosan axa ainan ꞌiti unicama aín uni ꞌimiti ax ca ësa ꞌicën. Unían naënu ꞌapácëx, ca ñu bëru an imë́ ꞌuxtancëx bësutancëxun nëtën ñu ꞌamainun coi cania. Usaria ca uisai ꞌi cara usai cania quixun ꞌunaníma.

An aín pabitan ënë bana cuacë unin ca aín nuitunënbi sinánquin cuati ꞌicën.