Popular Bible Verses from Marcos 14

Share

—Papan, min ꞌaisama ñu ca ꞌaíma ꞌicën. ꞌËn usoquin paë tanun ꞌë ꞌimixunma ca ꞌat. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oishi cana ꞌiti ꞌain.

Mitsux ꞌëx cuëëncësa oi ꞌiisa tanibi camina asérabi usai ꞌiman. Usa ꞌain camina ꞌuxti tëai, ꞌuchati rabanan Nucën Papa Diosbë banati ꞌain.

Asérabi cana mitsu cain, uinuxun cara camabi menuxun ꞌën unibunën ꞌën bana, anúan uni Nucën Papa Diosnan ꞌiti, a ñuixunia, anuxun ca ënë xanúan ësoquin ꞌë ꞌacë ënëribi ñuixunti ꞌicën, camabi unían ꞌunánun.

Usai ꞌiquin ca acama cacëxa: —Cana ꞌaisamaira masá nuitutin. Micamax ca ënu tiquit. ꞌAíshbi camina ꞌuxtima ꞌain.

Usaquian cacëxun pimainun ca Jesusan pán biquin, Nucën Papa Dios —asábi ca —catancëxun, pán tucapaxun ꞌinánquin atu cacëxa: —Ënë ca bit. Mitsúnmi piti pán ënëx ca ꞌë ꞌicën.

Cacëxuan a páncama pian ca Jesusan uvas baca anu ꞌarucë xampa biquin, Nucën Papa Dios pain —asábi ca —catancëxun atu ꞌináncëxa. ꞌInáncëxun ca camaxunbi ꞌacëxa. ꞌAia ca cacëxa: —ꞌËn imi ꞌapati ꞌëx bamacë cupí ca ꞌaisamaira uni aín ꞌuchacama tërë́ncë ꞌaish Nucën Papa Diosnan ꞌiti ꞌicën. Ënëx ca a ꞌapati ꞌëx bamati a ꞌicën.

Usa ꞌain ca Jesusan aín ꞌunánmicë unicama cacëxa: —Unin ꞌë bicëbë camina mitsux racuëti abati tsuáquiti ꞌain, Nucën Papa Diosan bana cuënëo ësai quicësabi oi: “An carnero bërúancë uni ꞌën ꞌacëbë ca carnerocamax abati tsuáquiti ꞌicën”.

Cuanun ca nirucuatsin. An ꞌë uni ꞌinánti uni ca aia.

Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan rabëti ꞌatapa banatisama pan ꞌain min isamina ꞌë ꞌunáncëma ꞌai quixun rabë́ ꞌimainun achúshi oquin uni paránti ꞌain.