Popular Bible Verses from Mateo 8

Share

Quia ca Jesusan bësuquin cacëxa: —¿Uisacatsi caramina racuëtin? Mitsun camina Nucën Papa Diosan ca asérabi nu bërúanquin ꞌaquinia quixun sinaniman. Cai niruquin ca suñúan —ca nëtë́t —canan parúmpaparibi —ca bucubut —quixun cacëxa. Cacëxëshia suñu nëtë́ishimainun ca baca bëchúnribi nëtë́acëxa.

Cacëxunbi ca capitánën cacëxa: —Mix cushi ꞌimainun ꞌëx mi meuira ꞌain camina ꞌën xubunu atsíntisama tanti ꞌain. Usa ꞌain camina cuanquinma ënuxunbi ꞌën ñu mëëmicë uni pëxcúnun cati ꞌain.

Usaía judíosma uni ꞌaíshbi a capitán quia cuaquin ca Jesusan an a nuibiancë unicama cacëxa: —Asérabi cana ꞌën mitsu cain, ënë uníxa ꞌëmi catamëcësaribitia ꞌia cana judío uni achúshibi iscëma ꞌain.

Usaquin unicama catancëxun ca Jesusan capitán cacëxa: —Camina min xubunu cuanti ꞌain. ꞌËmi catamëquinmi ꞌën usoquin ꞌaxúnun quixun ꞌë cacësabi oi ca min uni pëxcutia. Jesús ësai quicëbëshi ca capitanën ñu mëëmicë uni anu ꞌaíshmabi pëxcüacëxa.

Usoia isi ca aín ꞌunánmicë unicama ratuti canancëxa: —¿Uisa uni cara ënëx ꞌic? Suñúanënbi, bacánbi ca aín bana cuatia.