Popular Bible Verses from Mateo 22

Share

Quixuan cacëxun ca Jesusan ësaquin cacëxa: —Axa quicësabi oíira ꞌiti bana ax ca ësai quia: “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain”. Ënëx ca axa quicësabi oíira ꞌiti bana a ꞌicën. Bëtsi bana asaribi ca ënëx ꞌicën: “Mixmi bërúancacësaribi oquin camina min aintsicama nuibanan axa ꞌaquinsa ꞌicë ꞌaquinti ꞌain”.

Ënë rabë́ bana quicësabi oquian camabi unin ꞌanun ca Moisés ꞌimainun ax quicë bana an uni ñuixuncë unicama Nucën Papa Diosan cuënëomiacëxa. Uisa bana cara cuënëo ꞌicë a ca Nucën Papa Diosmi sinánan uni raíriribi nuibacë ꞌixun unin tania.

ꞌËn mitsu bërí ñuixuncë bana a sinánquin camina ꞌunánti ꞌain, ꞌaisamaira uníxa ainan ꞌinux ꞌëmi catamënun Nucën Papa Diosan sinánmicëxbi ꞌicëbëma ca axa ꞌëmi catamëcë unicama axëshi ainan ꞌia.

Bama ꞌaish baísquiquin ca unin xanu bitima ꞌicën, aín ini bëchicëribi ca unin bënumitima ꞌicën. Usaribi ca naínu ꞌicë ángelcamaxribi ꞌicën.

Uisa cara isnun ca a César buánmiti manë curíqui achúshi ꞌë bëxun. Cacëxun ca bëacëxa. Bëia isquin ca Jesusan cacëxa: —¿Uin bëmánan tanquin ꞌacë cara ënëx ꞌic? ¿Uin anë cara cuënëocë ënëx ꞌic? Cacëxun ca atun cacëxa: —Ax ca Césarnën bëmánan tanquian ꞌacë ꞌimainun Césarnën anë ꞌicën. Usaquin cacëxun ca Jesusan cacëxa: —Ami mitsun ꞌatia César cuëëncë a ñu camina ꞌati ꞌain, axa mitsun ꞌapu ꞌain. ꞌAnan camina ami mitsun ꞌatia Nucën Papa Dios cuëëncë a ñu ꞌati ꞌain, axa mitsun Papa Dios ꞌain.