Popular Bible Verses from Lucas 2

Share

Ënë nëtën ca bacë́anxa anuax David bacë́an ëmanuax an camabi uni aín ꞌucha tërë́ncë ꞌaish Nucën Papa Diosnan ꞌinun ië́miti. Ax ca Nucën ꞌIbu Cristo, a ꞌicën.

Usariabi ca ángelnën atu cacëxa: —Racuë́axma ca ꞌit. Micama cana upí bana ñuixunin. Ënëx ca camabi unin cuati ꞌicën. Cuati ca chuáma tani cuëënti ꞌicën.

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Sinánmainun ca Jesús caniacëxa. Cani aín nami cushi ꞌianan ca ñu upí oquin ꞌunáncëxa. Usa ꞌicë ca —ax ca upí tuá ꞌicë —quixun camabi unin cuëënquin nuibacëxa. Nuibamainun ca Nucën Papa Diosanribi a isi cuëënquin nuibacëxa.

Ënë isquin camina ꞌën mitsu cacë bana ax ca asérabi ꞌicë quixun ꞌunánti ꞌain, cuanxun camina a Tuá chupan rabúnxuan anuxun ñuina pimitinu racáncë isti ꞌain.

Usa ꞌain ca Belén ꞌurama ꞌicë pastonu an ñuina bërúancë unicama ꞌiacëxa. ꞌIxun ca imë́ ꞌuxti tëaquin aín ñuina bërúancëxa. Anu ꞌixun ca Nucën ꞌIbu Diosan xucëx ángel achúshi atumi chiquiracëtia isacëxa. Iscëbëtan ca Nucën ꞌIbu Diosan pëcacën atu pëcacëxa. Usocëbë ca ratuti racuë́acëxa.