Popular Bible Verses from Juan 14

Share

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Cacëxun ca Jesusan cacëxa: —ꞌËx cana anun cuanti bai, a ꞌain. ꞌIanan cana an Nucën Papa Diosan sináncë ñucama ꞌunánquin ax cuëëncësabi oquin ꞌacë, a ꞌain. ꞌIanan cana an uni anun tsóti nëtë ꞌináncë, a ꞌain. Uix cara Nucën Papa Diosnu cuainsa tania ax ca ꞌëmi pain catamëti ꞌicën.

Usaquin catancëxun ca ësaquinribi Jesusan aín ꞌunánmicë unicama cacëxa: —Masá nuituaxma ca ꞌican. Nucën Papa Diosmi camina catamëti ꞌain. Nucën Papa Diosmi catamëti ca ꞌëmiribi catamët.

Usa ꞌaínbi ca Nucën Papa Diosan ꞌë cupíshi aín Bëru Ñunshin Upí, an uni ꞌaquinti, xuti ꞌicën. Xucëxun ca an camabi ñu ꞌunánmianan ꞌën ñuixuncë banacama manutimoquin mitsu sinánmiti ꞌicën.

An ꞌën bana ꞌunánquin ax quicësabi oquin ꞌacë uni ax ca axa ꞌëmi asérabi sináncë uni a ꞌicën. Axa ꞌëmi sináncë uni a ca ꞌën Papánribi nuibatia. Usaribi oquin cana ꞌënribi a uni nuibaquin uisaira carana ꞌëx ꞌai quixun ꞌunánminuxun ꞌain.

Usaquinmi ꞌacëbëtan cana an mitsu ꞌaquinti a mitsubëa ꞌinun xunun Nucën Papa Dios ñucáti ꞌain, axa xënibua ꞌaínbi mitsubë ꞌinun. Ax ca Nucën Papa Diosan Bëru Ñunshin Upí ꞌicën, an Nucën Papa Diosan sináncë ñucama ꞌunáncë, a. A ca an Nucën Papa Diosan bana sináncëma unin ui cara ax ꞌicë quixun ꞌunántima ꞌicën, ca a istima ꞌicën. Usa ꞌaish ca atux Nucën Papa Diosan Bëru Ñunshin Upíñu ꞌitima ꞌicën. Usa ꞌaínbi camina mitsun a ꞌunánti ꞌain, axa mitsunu ꞌianan xënibua ꞌaínbi mitsubë ꞌicë cupí.

Añu caramina ꞌën anën ñucácësa oquin ꞌëx cuëëncësabi oquin ñucati, a cana mitsu ꞌaxúnti ꞌain, Nucën Papa Dios ca cushiira ꞌicë quixuan ꞌën ꞌaia isquin unin ꞌunánun. Añu caramina ꞌë sinánquin ꞌëx cuëëncësabi oquin ñucati, a cana mitsu ꞌaxúnti ꞌain.

Asérabi ꞌëmi sináncë ꞌixun camina ꞌën mitsu cacësabi oquin ñu ꞌati ꞌain.

ꞌËn Papan ꞌicënu ca anu ꞌiti ꞌitsa ꞌicën. Anu ꞌiti ꞌaíma ꞌain cana, anu ꞌiti ca ꞌaíma ꞌicë quixun mitsu catsían. Usa ꞌain cana anumi ꞌicánti a mitsu mëníoxuni cuanin.

Mëníoxunbëtsini cana anumi ꞌëbë ꞌinun mitsu bitsi utëcënuxun ꞌain, ꞌëx anu ꞌicë anumi mitsux ꞌëbë ꞌinun.

Cacëxun ca Tomásnën cacëxa: —Uinu caramina cuanin, a cananuna ꞌunaniman. ¿Usa ꞌixun caranuna uisaxun mix anun cuanti bai ꞌunánti ꞌain?