Popular Bible Verses from Génesis 28

Share

ꞌËx kana mibë ꞌain; usa ꞌixun kana uinu kaina kuani anuabi ꞌën mi bërúanti ꞌain, usa ꞌixun kana amiribishi ënë menubi mi bëtëkënti ꞌain. Mi kana usai ꞌia ꞌën kakësabiokin ꞌaxuntankëxuma ëntima ꞌain.

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Usakian kakëx aín ꞌuxkënuaxbi bësukin ka Jacobnën sinánkëxa: “Asérabi ka ënë menu Nukën ꞌIbu ꞌëbë ꞌikën kixun kana ꞌën ꞌunánkëma ꞌain.”

Anuax ka Jacob ësai kiakëxa: Nukën ꞌIbu Diosan ka ꞌë kuania bërúanan, ꞌën piti ñu ꞌinánan ꞌën pañuti chuparibi ꞌë ꞌinánti ꞌikën, usa ꞌain ka ꞌëx ꞌën papan xubunu uisaibi ꞌikëma kuankëbë ax ꞌën ꞌIbu Dios ꞌiti ꞌikën. ꞌËn kana uinu karana ënë maxax nankë anubi Nukën ꞌIbu Dios anuxun rabiti ꞌati ꞌain; ꞌimainun kana mi asérabi manukima uisa ñukama kaina ꞌë ꞌinani a mësú mi ꞌinánti ꞌain.

Usa ꞌain ka atux ꞌaisamaira ꞌuakamë ꞌëoi me putu iskësaira ꞌi aín tsipumiki ꞌimainun aín rëbumiki kuanan amiaxa bari urukë au ꞌimainun amia bari kuabúkë amiki amami amami kuankanti ꞌikën, usa ꞌain ka kamabi menu ꞌikë unikama upíokin sinánxunkë ꞌiti ꞌikën mi ꞌimainun min rëbúnkikama kupí.

A menu ka bëráma achúshi ëma Luz kakin anëkë ꞌiakëxa, usa ꞌikëbi ka Jacobnën aín anë bëtsiokin anëkin Betel kakin anëakëxa. Betel kikë bana ax ka Diosan xubu ki kikë bana ꞌikën.