Popular Bible Verses from Génesis 15

Share

Usakian kakëxun ka Abramnën usa ka asérabi Nukën ꞌIbu ꞌikë kixun sinánkëxa, sinánkëbë ka ax ꞌëx kikësabiokin ka ꞌaia kiax ami sinánkëxa.

Ënë ñukama ꞌatankëxa ꞌinúkë ꞌain ka Nukën ꞌIbun Abram namákin iskësokian isia kakëxa: —Kamina rakuë́tima ꞌain Abram, ꞌëx kana an mi bërúankë a ꞌain. Min biti ñu ax ka chaiira ꞌinuxun ꞌaia.

Usokin katankëxun ka Nukën ꞌIbun Abram ëman, buánxun ësokin kakëxa: —Upiokin ka naí manámia ꞌispakama is, iskin kamina min tupuntisa ꞌikë tupunti ꞌain. Usaribi ka min rëbúnkinëx tupuntisamaira ꞌitsaira ꞌiti ꞌikë kixun kakëxa.

Ësokin kakëxun ka Nukën ꞌIbun kakëxa: —Ësakin min bëchikënënbi ka mix ñukëbëtan min ñukamabi biti ꞌikën, bëtsi unin ka min ñu bitima ꞌikën.

Usai rakuë́tia ka Nukën ꞌIbun kakëxa: —Min kamina ꞌunánti ꞌain, min rëbúnkikamax ka aín menu tsótima bëtsi menu tsónuxun ꞌaia, ꞌimainun ka anuxun ꞌaisamaira okin ñumëmikë ꞌinuxun ꞌaia, ꞌimainun ka ꞌaisamaira okin ꞌatima okë ꞌiti ꞌikën, cuatrocientos baritia sënë́ntamainun.

ꞌAínbi ka Abramnën kakëxa: —ꞌËn ꞌIbu ꞌimainun ꞌën Dios, ¿uisa karana minmi ñu ꞌinánkëxun, ñankáishibi bixun ꞌati ꞌain, minbi kamina ꞌëx kana achúshi bëchikëñumabi ꞌai kixun ꞌunanin minbi kamina achúshi bëchikëbi ꞌë ꞌinankëma ꞌain? Usa ꞌain ka kamabi ꞌën ñukama an biti Eliézer Damasconu ꞌikë uni ꞌën kaniokë, an ꞌëx ñukëbëtan ꞌën kasunania ñukama biti ꞌikën.

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Usai cuatrocientos baritia tsótankëx ka min bëchikënën bëchikë min xuta aín bëchikënën bëchikë akamax ka min rëbúnki ꞌaish amiribishi ënë menu utëkënuxun ꞌaia, usa ꞌaínbi ka anun ꞌën amorreo unikama aín ꞌucha kupín ꞌatima oti nëtë ꞌisama pain ꞌikën.