Popular Bible Verses from Luka 17

Share

Kija a꞉sigio mombi ngiinanɨ ɓɔ: « Ʉngwa ɨkʉʉ, wambʉsa. Baya ngiisɔɔ yɨ꞉nahiiso hiisoo. »

Amati ʉ 'ukpekpe wʉ ɓisi mungono, ndʉ mananʉ anakyɨa ɓʉɓɨɓɨ nɨsɨ ʉmalɨanɨka, ambʉka kʉ nɨsɨ ʉmalɨanɨka nɔwɛ kusigio ɓɔ: ‹ Mʉ꞉kyɨa ɓɨɓɨ, napɨa pɨaa. › Mʉpɨa tʉkʉ pɨaa. »

Iya mombi mʉngana ati ʉndaɓʉ, 'Ʉsamalɨa wɔngɔ, a꞉na ɓɔ ʉhɨa hɨanɨ, ambʉtʉa kʉ mbise akʉ Yeso i꞉nye‑ɛɛ kutuisio Asʉɓɨɨ ɨbɨba nʉ iyo yɛɛ ɓʉmʉ. Kija a꞉ka kʉkwa akʉ mɨtɨndɨ yɨ Yeso nayɔ kubibiso.

Pɨmɨeni pɨmɨaa! Ndʉ mananʉ anakyɨa ɓʉɓɨɓɨ, mʉmɨnya mɨnyaa. Ndʉ ambɨana ɓʉɓɨɓɨ ngiɓangɔ, mʉpɨa pɨaa.

Kija Yeso a꞉ɓukuo ɓɔ: « Ajʉ ɓombi ɓʉjaɓanakɨakɔmʉ‑zʉ kʉ ɓuɓomu kumi ɓiɛ? Ɓombi nga ɓɔmɔ nʉɓɔkwɔngɔ ɓa tiga gbanɨ?

Makʉʉɓɨɨ ambuɓutisio ɓɔ: « Ninyeni piɛ nʉ baya yɛɛ ɗɛkɛkɛ abana tʉkʉ ndʉ mwanʉ ipumo yɨ ɓʉtɨ ɓʉ aladali, na tʉkʉ ikanzi ngia nasigio ɓʉtɨ ngiɓa ɓɔ: ‹ Ɗuunio wambʉsa kʉhʉnanɨa amati ʉ ɗei ɔɔ 'ʉja! › Ɓanɨkɔ tʉkʉ kɔɔ.

Ndʉ mombi a꞊hata kuhiiso ʉɓɨɨ nguangɔ, a꞊uyangiso yangisoo, ɨkyɛmɨngana mombi ngia a꞊yangiso ʉɓɨɨ nguangɔ, a꞊uhiiso hiisoo.

Yeso ambusigio ɓata ɓakpataka ngiɓangɔ ɓɔ: « Lɨngbaa ngila lɔɔ lɨkwisise lambʉkɔmʉ nʉ ɨzʉngwɨɛ, ɨkyɛmɨngana ya ikoko nʉ mombi ngia akwisiso mangɛ akʉ ɓʉɓɨɓɨ. Ya piɛ iɗo nadɨndɨ ɓɔ mombi ngiinanɨ ɓʉmʉnga ikopi yɛɛ kpʉgʉe idyo akʉ ɨmɨɔ, ɓambumugiso amati ʉ ɗei ɔɔ 'ʉja ɓʉ ɗu. Ambʉ ɔɔɓiokɔmʉ itiki‑tiki yɛɛ kwisise mʉngana ʉ ɓana ngiɓa akʉ ɓʉɓɨɓɨ.

Ngbanga kʉndʉ ɓombi ɓi꞉nye kʉkyɨa akʉ ɓɔndɔ ɓʉ Nʉa, yaɓio ɓisi ongo kʉ ɓwanɨ akʉ makwaa ngikʉsɛmɛ, Mwana ngia ʉ Mombi. Ɓombi ɓi꞉nye kʉdyakaka, kʉmwakanaka, ɓugue nʉ ɓoi tʉkʉ kʉchɨkana, kʉɓʉya tʉkʉ isiya Nʉa a꞉kumunio‑ɔɔ amati ʉ ɨngbɔɔ yɛɛ ɨja. Kija ʉgbaa wɔɔ 'ʉja wa꞉kwa ɨsɨ, mepo kambʉdʉka ɓombi kʉ ɓuɓomu tʉkʉ ɓʉ gba.