Popular Bible Verses from Kyananaka 14

Share

« Inu ɓadii yɨ꞉kwa tiga tanɨ iya na‑ɔɔ kʉkyɨa ikanzi yɨ moni ngikakɛ? Isu ka tʉkʉ ɓombi ngbanga kʉndʉ inu. Kaninu kʉɓɨakɨa Ɨsaʉ yɛɛ Iɗo aka ekoo ngia ɓɔ sieni ɓamʉngʉ ɓʉ yakanaka ɓɔɔ ɨsʉkʉɓwanɨ ngiɓa. Kija na꞊nɨtana kʉkpata tiga Asʉɓɨɨ ngia a kʉkʉʉ, iya a꞉kyɨa ekoo ʉ ɓisi nʉ ɨtaka nʉ ɓaɗei, nʉ ɓamoni kʉ ɓuɓomu ngiɓa ɓa amati ɔngɔ.

Mombi ngiinanɨ a꞉kɔ ʉpanʉ wʉ Asʉɓɨɨ nguwa Pɔlɔ i꞉nye kyɨa kʉpanɨa. Pɔlɔ ambʉmʉkanga ɓʉ gbɔɔ, ndʉ a꞉na ɓɔ anʉ baya ikanzi ngia yamuhiiso, kija a꞉sigo nʉ iyo yɛɛ ɓʉmʉ ɓɔ: « Maa nʉ mɨtɨndɨ ngiisɔɔ! » Ɛyɔ jakɛsɨ ngiinanɨ ambʉmaa tʉkʉ gagaa, ambufaniso kɨndaka.

Ɔɔ Pɔlɔ nʉ Balanaba ɓambʉchwa ɓʉkʉʉ amati ʉ ɓakanisa kʉ nangana nangana. Mbise ʉ nɨta nʉ táa idyo akʉ wati, ɓambʉnapɨa ɓʉkʉʉ ngiɓʉnanɨ akʉ lɨkɔndɔ lʉ Makʉʉɓɨɨ ngia ɓa꞉mʉbaya.