Popular Bible Verses from Kyananaka 1

Share

Ɨkyɛmɨngana, na꞊nyɨa ɓisi nʉ angu wʉ ɨtakɨ‑takɨ, ati ngia 'Ʉtʉma wɔɔ Tu wa꞊nijio‑ɔɔ. Kija naɓio ɓatɛmʉ ɓʉsɛmɛ anʉ Yelusalɛma, amati ʉ Yudɛa kʉ uɓomu nʉ Samalɨa kʉ uɓomu, nʉ kʉɓʉya akʉ miɓo wʉ ɨtaka. »

Yeso ambuɓutisio ɓɔ: « Yambʉkɔmʉ moni kʉndɛnʉ kʉmbɨa saa gʉ ɓɔ wati wɔngɔ, jʉ Tidoo a꞉ʉmaiso akʉ ʉpanʉ nguangɔ makʉɔngɔ.

Ɓisi mʉngana ati ngia ɓi꞉nye tiga‑ɔɔ kʉdyakaka ɨzɔ naɓɔ, Yeso ambuɓunzo ʉpanʉ ɓɔ: « Nɔɔngwakɔmʉ‑zʉ anʉ Yelusalɛma, ɨkyɛmɨngana siɓeni apɛpɛ ngia Tidoo a꞉nɨpanaka jɛnɛ, nʉ iya ma꞉nɨngakɨa moni ekoo ɔngɔ. Jʉ Yʉanɨ a꞉ɓatiso yangɔ nʉ mepo, ɨkyɛmɨngana yitukuo makwaa ɗɛkɛkɛ ɓa꞊niɓatiso uɓatiso ngua wʉ angu ʉ 'Ʉtʉma wɔɔ Tu. »

Mbise ʉ ingyo ngiangɔ a꞉ɓupananiso nʉ lɨngbaa kʉ di di di ɓɔ a kʉkʉʉ. Amati ʉ makwaa makumi ɓʉgɨna i꞉nye naɓɔ kʉɓwanakɨa nʉ naɓɔ kʉngakɨa lɨngbaa lʉ moni ekoo ʉ Ɓʉngama ɓʉ Asʉɓɨɨ.

Mbise ngia a꞉yaka‑ɔɔ moni ngikʉnanɨ, tʉkʉ ati ngiinanɨ ɓi꞉nye‑zʉ‑ɔɔ nayɔ tʉkʉ kʉkanga, ambuzununio kʉsa ekoo ʉ ɓisi. Kija ɨkʉɓa yɨ ɓisi mɨngana ya꞉mungwiso, chʉkɔmʉ ɓambʉmʉna tii.

Zʉ kʉ ati ngia ɓatitima ɓi꞉nye‑ɔɔ kʉkanga mesu ekoo ʉ ɓisi akʉ Yeso asa‑ɛɛ, kʉ nɨma ngiinanɨ ɓugue ɓapɨnɨ nʉ lɨpʉkʉ lɔɔ tu, ɓambʉɓwanɨa anambamba ʉndaɓʉ, ɓambuɓusigio ɓɔ: « Inu ɓombi ɓʉ Galilaya ngiɓa, jʉtanɨ na ɓʉmaɨ kʉkanga waja ekoo ʉ ɓisi? Yeso ngiinanɨ u꞉zununio kʉsa ekoo ʉ ɓisi, a꞊tʉa ɓisi ongo ngbanga kʉndʉ iya nʉmʉna‑ɔɔ kʉsa ekoo ʉ ɓisi akɛ. »