Popular Bible Verses from प्रेरितों के काम 1

Share

पेनो जब पवित्र आत्मा आपे लिंजेन हेजेवा मेटे आपेन शक्ती घाटाऊवा एठा यरूशलेम शहर एठा सेबाई यहूदिया जिल्हा एठा सामरीया जिल्हा गेन, एठा सेबाई दुनिया गेन कुरकू के इंजा बारेन गवाही जेबा।”

यीशु नी दिकुटे मंडीके, “डी टेमो चोला हेजेवा एठा डी चीजो चोला डाऊवा, इनी चिचाना गा जरुरत बाऊ।

म्या टेमो जब चेलाकू म्या सेंग्गोन डा दिकुटे मिलातिंजटे दिकुके हुकूम जीके, “यरूशलेम शहर के बाकी आरा, लेकिन डी दान के तरागे जो इंजा बाटे आपेके जिऊ गा वादा डाके होय, आपेनी इंज्के दियागा बारेन मंडीटे आजुम्के होय। चोयाकी यूहन्ना नी मेटे डा गेन बपतिस्मा जीके होय, पेनो थोळा दिन गा बादोन परमेश्वर आपेगा सेंग्गोन थंदळ गा घल्जी पवित्र आत्मा के कुलेच्बा।”

यीशु गा कासु तुटूल एठा गुजू गा बादोन घोनेचका पक्का सबूतनौर टे हेज खुदके दिकुके जीटाका टिपीके, एठा चालीसो दिन टाएन देटेन कलमके चेलाकून डूगु लक्के, एठा परमेश्वर गा राज्य गा बातो गा लक्केका डा।

इनी मंडीटे देटेन दिकुगा दोडो टेमो परमेश्वर नी डीचके स्वर्ग गेन टूलजेनेच, एठा म्या बदळा गा वोजीटे दिकु डीचके एठा बान दोडुका।

दियागा सेने टेमो जब दिकु बदळा कोने डेके-डेके दोडो लक्के डा, मेटे अचानक बरी कोरो किंज पुलूम कपळे उरीटे दिकुगा मेरान हेन डो टेंगेनजे। एठा दिकु मंडी लज्जे, “हे गलील जिल्हान थंदळ मिंकू कोरोकु, आपे चोया टेंगेनटे बदळा के दोडो लक्के मेना? इनिका यीशु, डीचके परमेश्वर नी आपेगा मेराटे स्वर्ग गेन सैय्येनेच होय, साही इनिका रोंगो डाबोलटे हेजेवा जो रोंगो आपेनी डीचके स्वर्ग गेन मनेन टे डोकेनेच होय।”