Popular Bible Verses from लूका 8

Share

तर निका जमिनमी पड्या चाइ तिन हुन, जइले बचन सुणिबर परमेश्वरको इच्छा अनुसार जीवन जिउनाहान, रे धैर्यसित फल फलानाहान।”

जो बि काणाका बिचमि पण्याको बोट तिनन जसो हो, जइले बचन सुणन्छ जीवनको आवश्यकताको फिक्री अरन्छ। तर पछा यइ जीवनका चिन्ता, धन, सुख-चैनमि पडिबर बड्ड पाउनइन रे तिनरो फल पाक्द पाउनइन।

ढुङगेनि जमिनमी बोइएका बि, त्यो जसाइ हुनाहान जो बचन सुणन्जेइ त्यो खुसीसित बचन स्वीकार अरन्छ। तिननले आफ्नो हृदयमि तइका जडा बड्ड अनुमति दिनइन रे तिननले थोकाइ समयकीलाइ बिश्वास अद्दाहान। तर परिक्षाका बेलामि तिनरो पतन हुन्छ।

उनले तिननलाइ भण्यो, “तमरो बिश्वास काँ गयो?” तिनन डराइय्या, रे अचम्म माण्यो रे एक अर्खालाइ भण्न्न पस्या, “यिन को हुन? बतास रे पानीलाइ लगइ आज्ञा दिनाहान रे तिननले यिनरो आज्ञा माण्ना छन।”

बाटाका किनारमी पड्या बि तिनन हुन, जो परमेश्वरको बचन बुन्छ। जो बि बटाइनि छडिया तइ तुलना इसो मान्ससित अरिन्छ जो परमेश्वरको बचन सुणन्छ तब उतन्जेइ सैतान आउँछ, रे तइका ह्रदयमी बोया बचन त्यो लैजान्छ।

जो चिज लुकाइयको छ त्यो धेकिने छ, रे हरेक गोप्य कुरणी प्रकट अरिन्या हो।

आब आफ लुकीबर बस्स नसक्द्या कुरणी था पाइबर त्यो आइमाइ डराइबर काम्दा-काम्दा येशूका वाँ आइ रे घोप्टो पडिबर उइले उनलाइ छोयो, रे कसेरी उतन्जेइ निको भयो, त्यो सब मान्सका साम्नेइ भणिदियो। उनले तइलाइ भण्यो, “चेली, साहस अर, तेरा बिश्वासले तुलाइ निको बनाइराइछ, सान्ति सित जा।”

तिनन नजिक आइबर उनलाइ यिसो भणबर बिउजायो, “गुरुज्यू, हाम डुब्दा छौ।” उनले उठीबर बतास रे हुरिलाइ हकाद्द पस्या, रे त्यो रोकियो रे सान्त होइय्यो।