Popular Bible Verses from यूह 15

Share

म तेइ अंगुरको बोट हु तमन हाँङा हौ। जो ममि रहन्छ, म उइमि रहनउ रे उइले भौत फल फलाउछ। क्याकि म बठेइ अलग होइबर तमन केइलगइ अद्द सक्दानउ।

तमन ममि रअ रे म तममि रनउ। जसेरि हाङाले अंगुरको बोटमि रएन भण्या आफइ फल फलाउन सक्दैन। तसेरि तमन ममि रयानु भण्या तम लगइ असल फल फलाउन सक्दाहान।

तमन ममि रया रे मेरा शिक्षा तमनसित रया भण्या तमन जी चाहान्छौ त्यो माग रे त्यो तमनका निउति दिइन्या हो।

तमनले मलाइ चुन्यानु, तर मइले तमनलाइ चुन्या रे तमनलाइ नियुक्त अर्या, ताकि तमन जा रे फल फला रे तमरो फल रइ रओस। तबइकिलाइ तमनले पितालाइ मेरा नाउँमि जी मागला त्यो उनले तमनलाइ दिन्या हुन। क्याकि तमन मेरा शिष्या हौ।

एक मान्सले आफ्ना साथीलाइ कति प्रेम अरन्छ भणबर धेकाउन्या सबहइ असल तरिका यइ हो कि साथिकी निउति आफ्नो ज्यान दिनु।

ममि भया हरेक फल नफल्ल्या हाङो उनले काटि फालदिनाहान रे फल फलाउन्या हरेक हाङालाइ तइले बडता फल फलाउ भणबर काटछाँट अद्दाहान।

जसेरि मइले तमनलाइ प्रेम अरिराइछु। उसेरी तमन लगइ एक अर्खासित प्रेम अर यो मेरो शिक्षा हो।

तमनले भौत फल फलाया भण्या इसइमि मेरा पिताको महिमा हुन्याछ रे तमन मेरा शिष्य हुन्या हौ।

येशूले आफ्ना शिष्यालाइ भण्यो, “म साचो अंगुरको बोट हु रे पिता यइका खेताला हुन।

कोइ मान्स ममि रएन भण्या उ काटिया हाँङाइ जसेरि काटीबर फलिन्याछ रे सुकन्छ पइ तिन जम्मा अरिबर आगाइनी हाल्दीनाहान रे तिन पोलिनाहान।

मइले यिन कुरणी तमनलाइ भण्या हु ताकि तमनलाइ लगइ तेइ आनन्द रइरउ जो ममि छ रे तमरो आनन्द भरिपूर्ण होउ।

तमनले मेरा शिक्षा पालन अर्या भण्या तमन मेरा प्रेममि रन्याछौ जसेरि मइले लगइ मेरा पिताका शिक्षा पालन अर्या छु रे उनरा प्रेममि रइरइछु।

म तमनलाइ यिन कुरणीको शिक्षा दिनउ कि तमन एक अर्खालाइ प्रेम अर।

तमन येइ संसारका मान्सन भया भयले संसारका मान्सनले तमनलाइ प्रेम अद्देइथ्यो। तमन येइ संसारका होइनौ। मइले तमनलाइ येइ संसार बठेइ चुन्या, तबइकिलाइ संसारका मान्सनले तमनलाइ घृणा अरन्छ।