Popular Bible Verses from PILIPI 3

Share

Situhuna o senina-senina, labo aku erpengakap maka enggo aku ndatken pemere e. Tapi sada ngenca si kubahan, e me ngelupaken kai si arah pudingku janah erpala-pala ndatken si arah lebe. E maka pinter aku kiam ku tujun guna ndatken pemere e, e me pendilo Dibata guna kegeluhen i Surga, si ipesehNa man bangku arah Kristus Jesus.

Sada ngenca sura-surangku e me gelah kutandai Kristus dingen kugejap kuasa kekekenNa janah ikut aku ngenanami kiniseranNa, dingen bali ras IA i bas kematenNa, alu pengarapen maka aku ipekeke Dibata i bas si mate nari ku kegeluhen.

Labo kerna si e saja, tapi kai pe kinirugin kuakap rimbangken si meherga e, e me penandai kerna Jesus Kristus Tuhanku. Erkiteken Kristus, enggo kuambekken kerinana, janah kupedirep si e kerina sampah-sampah, gelah banci kudat Kristus dingen.

Tapi kerina si nai kuakap untung, genduari kinirugin kuakap erkiteken Kristus.