Popular Bible Verses from JOHANES 21

Share

Kenca elah man, nungkun Jesus man Petrus nina, “O Simon anak Johanes, kelengen kin atendu Aku asangken ate kalak enda?” Erjabap Simon Petrus, “O Tuhan, ietehndu kap maka keleng ateku Kam.” Nina Jesus man bana, “Permakanilah anak biri-biringKu.” Nungkun ka Jesus pedua kaliken man Petrus, “O Simon, anak Johanes, keleng kin atendu Aku?” Erjabap Simon Petrus, “Keleng Tuhan, ietehNdu kap maka keleng ateku Kam.” Nina Jesus man Simon Petrus, “Permakanilah biri-biringKu.” Petelu kaliken nungkun Jesus man Simon Petrus nina, “O Simon, anak Johanes, keleng kin atendu Aku?” Getem kal pusuh Simon Petrus sabap telu kali enggo Jesus nungkun man bana, “Keleng kin atendu Aku?” E maka erjabap Simon Petrus, “O Tuhan, kai pe ietehNdu kap. IetehNdu pe maka keleng ateku Kam!” Nina Jesus man bana, “Permakanilah biri-biringKu.

Kukataken man bandu: Si tuhuna asum kam nguda denga, kam ngaturken dirindu gelah banci lawes ku ja atendu, tapi kenca kam metua, idudurkenndu tanndu janah kalak si deban ngiket kam, jenari ibabana kam ku ingan si la atendu bage.”

E maka nina Jesus man kalak e, “Amburken jalandu kempak kemuhen perahu e, tentu rulih kam.” Iamburken kalak ndai jalana, jenari lanai ia ngasup ngerintaksa sabap melala kal nurung i bas.

nina Simon Petrus man teman-temanna e, “Ateku lawes njala nurung.” Ngaloi teman-temanna e, “Kami pe ikut.” E maka berkat kalak e, inangkihna sada perahu. Tapi i bas berngi si ndai sada nurung pe la idatna.