Popular Bible Verses from JOHANES 19

Share

Icepcep Jesus anggur e, jenari nina, “Enggo dung!” Jenari mungkuk takalNa, mate IA.

Kenca bage ieteh Jesus maka enggo dung kerina dahinNa. Janah gelah seh bagi si tersurat i bas Pustaka Si Badia nina Jesus, “Muas Aku.”

Idah Jesus nandeNa tedis i je ras ajar-ajar si ikelengiNa, e maka Nina man nandeNa, “O nande, ena me anakndu.” Jenari nina Jesus man ajar-ajar si ikelengiNa e, “Ena me nandendu.” E maka mulai paksa si ndai ibaba ajar-ajar e nande Jesus ringan i bas rumahna.

Tapi kenca ia seh ku Jesus nahe Jesus la ipenggelkenna sabap Jesus enggo mate. E maka sekalak perajurit nebak awak Jesus alu lembingna; ndarat dareh ras lau i bas nari. (

Si enda jadi gelah seh si tersurat i bas Pustaka Si Badia, e me “Sada pe labo ipenggelken tulanNa.” Lit pe tersurat i bas Pustaka Si Badia, “Ipernehen kalak si nebak e me Kalak si enggo itebakna.”

Ndarat Jesus, ipersanNa kayu persilang inganNa ipakuken. Erdalan IA ku ingan si igelari Ingan Takal-takal. (I bas cakap Heber igelari Golgota.)

Ibahan perajurit-perajurit tengkuluk duri jenari itamakenna ku takal Jesus. Kenca bage ipakekenna man Jesus jubah si megara tua.