Popular Bible Verses from JOHANES 15

Share

Aku kap batang anggur janah kam me dahan-dahanna. Kalak si tetap i bas Aku dingen Aku i bas ia melala me buahna; sabap adi la kin ras Aku labo kam ngasup erbahan kai pe.

Tetaplah min kam i bas Aku, janah Aku pe tetap i bas kam. Dahan labo ngasup erbuah adi la kin ersada dahan e ras batangna. Bage me pe kam, adi la kin kam ersada ras Aku labo kam erbuah.

Adi kam tetap i bas Aku janah KatangKu tetap nggeluh i bas kam, banci ipindondu kai pe atendu, janah ialokenndu me kai si ipindondu e.

Labo kam si milih Aku. Tapi Aku nge milih kam janah nuruh kam lawes gelah erbuah meramis, e me buah si tahan rasa lalap. Adi bage, kai pe ipindondu i bas gelarKu ibereken Bapa e nge man bandu.

Labo lit keleng ate si belinen asangken keleng ate kalak si nggit ngasamken kesahna guna teman-temanna.

Dahan-dahan si la erbuah itektekNa, janah dahan-dahan si erbuah ibersihkenNa alu mutiki tunas-tunas si la erguna gelah reh buena buahna.

Enda me pedahKu: Sikeleng-kelengen min kam bagi Aku engkelengi kam.

Adi melala buahndu, kam me ajar-ajarKu, janah i bas si e ermulia me BapangKu.

“Aku kap batang anggur si tuhu-tuhu, janah BapangKu kap perkebun anggur e.

Kalak si la tetap i bas Aku itektek me bagi dahan. Jenari kerah me ia. Ipepulung me dahan e jenari iambekken ku bas api.

“Si enda Kukataken man bandu gelah inanamindu keriahenKu janah gelah tuhu-tuhu kal meriah ukurndu.

Adi ikutkenndu pedah-pedahKu, tetap nge kam Kukelengi, bali ras Aku ngikutken pedah-pedah BapangKu, janah tetap Aku ikelengiNa.”

Dage pedahKu man bandu: Sikeleng-kelengenlah kam.”

Adi nggit kam jadi sikerajangen doni, ikelengi doni enda nge kam bagi anak-anakna. Tapi kam enggo Kupilih i bas doni enda nari, e maka genduari lanai kam sikerajangen doni. Perbahan si enda me maka nembeh ate doni enda man bandu.