Popular Bible Verses from KEJADIN 49

Share

Juda me si ncikep tungkat kinirajan, kesusurenna erkuasa seh rasa lalap, bangsa-bangsa maba persembahen man bana, nembah alu erkemalangen i lebe-lebena.

Jusup desken sada batang kayu si turah i duru ulu lau. Meramis buahna i bas dahanna sindauh njurjur ngepari bidena. Musuhna megasgas la teralang, ngayaki ia ersenjataken panah

tapi panah Jusup tetap paguh, janah tanna tetap megegeh, erkiteken gegeh Permakan si Mada Kuasa Dibata Jakup, Sekawal Israel. Dibata bapandu nge si nampati kam, alu mereken udan i das nari ras lau i teruh nari alu mereken asuh-asuhen ras anak nterem.

Juda, kam ipuji senina-seninandu, kerahung musuh-musuhndu ijenggelndu, senina-seninandu mungkuk i lebe-lebendu. Juda desken sada singa, kenca njerngem mulihken nangkih ku liangna, ngenat, jenari gempang, si nggasgasisa, ise pe la pang.

Ruben anakku sintua, kam kap gegehku, kam buah si pemena, tandana aku dilaki. Kemegahenku si mbelinna, i bas kerina anak-anakku. Kam desken lau si ergalun merawa, tapi labo kam anakku si pentingna, sabap ipedemindu gundikku, ingan medem bapandu iliamindu.