Popular Bible Verses from GALATI 3

Share

Tapi Kristus enggo mulahi kita i bas ancamen ukumen si lit i bas Undang-undang e. Enda ibahanNa alu ngendesken diriNa iukum erkiteken kita. Sabap i bas Pustaka Si Badia lit tersurat, “Kalak si igantung i das batang kayu isumpahi Dibata kap.”

Dage lanai bo erndobah kalak Jahudi tah kalak Junani, budak tah kalak bebas, dilaki ras diberu. Sabap kerina nge kam sada i bas Kristus Jesus.

Adi kam sikerajangen Kristus, kesusuren Abraham me kam, janah ialokenndu me kai si enggo ipadanken Dibata.

Si enda igengken Kristus gelah pasu-pasu si enggo ipadanken Dibata man Abraham banci ibereken man si labo kalak Jahudi arah Kristus Jesus. Gelah kita, arah kiniteken, banci ngaloken Kesah Si Badia si ipadanken Dibata.

Tangkas dage maka labo ise pe iperembakken ras Dibata arah ndalanken Undang-undang; sabap lit tersurat i bas Pustaka Si Badia, “Kalak si iperembakken ras Dibata erkiteken kinitekenna, nggeluh me.”