Popular Bible Verses from EPESUS 5

Share

Erkiteken kam anak-anak kekelengen Dibata, usihlah IA. Geluhndu arus erpalasken keleng ate, bagi Kristus enggo engkelengi kita, dingen ngendesken kesahNa man gunanta. IA enggo mpersembahken diriNa jadi persembahen si merim si ngena ate Dibata.

E maka perdiatekenlah lagu langkahndu. Ola kam nggeluh bagi kalak motu, tapi bagi kalak pentar min. Pergunakenlah kesempaten si lit i bas kam alu mehuli, sabap wari-wari enda la kap mehuli.

Ola kam mabuk ibahan anggur, sabap si e encedaken man bandu. Tapi idemi Kesah Dibata min kam. Ercakap-cakaplah kam sapih-sapih kam alu make masmur, ende-enden pujin dingen ende-enden pertendin. Endekenlah ende-enden ras masmur man Tuhan alu ukur dem ngataken bujur. Katawari pe katakenlah bujur man Dibata Bapa subuk kerna kai pe, i bas gelar Tuhanta Jesus Kristus.

Dage ola bodoh, tapi pergermetkenlah kai si ngena ate Tuhan guna idalankenndu.

Kam perbulangen, kelengilah ndeharandu, bagi Kristus engkelengi perpulungen, dingen ngendesken kesahNa guna perpulungen e.

Kam gelgel nari i bas gelap, tapi genduari enggo i bas terang, erkiteken kam enggo jadi anak-anak Tuhan. E maka kam arus nggeluh bagi kalak i bas terang.

Patuhlah sekalak nandangi si debanna, erkiteken kam mehamat man Kristus.

O kam ndehara, patuhlah man perbulangenndu bagi patuh man Tuhan.

Tapi pe kerna kam: Tep-tep perbulangen arus engkelengi ndeharana bagi ia engkelengi dirina, janah tep-tep ndehara arus mehamat man perbulangenna.

Bagi lit tersurat i bas Pustaka Si Badia, “Erkiteken si e, sekalak dilaki nadingken nande bapana, jenari ersada ia ras ndeharana, janah si dua e jadi sada kula me.”

Ola kam ikut i bas perbahanen kalak si gelap si sia-sia. Tapi bukakenlah perbahanen-perbahanen si bage.