Popular Bible Verses from EPESUS 2

Share

Tinepa Dibata kap kita; i bas persadanta ras Kristus Jesus, ijadikenNa kita guna ndahiken dahin-dahin si mehuli si enggo leben irencanakenNa, gelah sidahiken e.

Sabap erkiteken lias ate Dibata nge maka kam enggo terkelin, erkiteken tek kam man Kristus. Labo bekas perbahanenndu, tapi pemere Dibata kap e. Labo ulih pendahinndu e, e maka labo lit dalanna ise pe muji bana.

Tapi perkuah ate Dibata la ersibar, janah mbelin kal keleng ateNa man banta. Seh maka asum kita mate i bas pertendin erkiteken salahta, ipegeluhNa kita mulihi radu ras Kristus. Erkiteken lias ate Dibata nge maka kam enggo terkelin.

I bas persadanta ras Kristus Jesus, ipekeke Dibata kita ras Kristus, janah ipekundulNa kita ras IA i bas ingan si meganjang.

E maka kam si labo kalak Jahudi lanai kam kalak asing ntah pe pertandang. Kam pe genduari enggo jadi sada warga ras anak-anak Dibata dingen enggo jadi anggota keluargaNa. Kam pe ipajekken i babo palas si itamaken rasul-rasul ras nabi-nabi, janah Kristus jine me palas persukina.