Popular Bible Verses from ULANGEN 4

Share

I jah me kam terdaram-daram man TUHAN Dibatandu. Adi bulat kal ukurndu ndaramisa e maka jumpa kam ras IA.

IA kap Dibata si dem perkuah ate. Labo kam itadingkenNa, labo kam ikernepkenNa. La IA lupa perpadanen si ipadankenNa jine ras nini-ninindu.

erkiteken TUHAN Dibatandu seri ras api si gara, percimberu tuhu-tuhu.

Metengetlah! Tetapkenlah i bas ukurndu maka kidekah kam nggeluh la kam lupa kejadin si enggo idahndu alu matandu jine. Turikenlah man anak-anakndu, ras man kempu-kempundu

E maka sendah ingetlah, ndigan pe ola lupaken: TUHAN kap Dibata i surga ras i doni, la lit dibata si deban.

Bangsa si deban, amin kuga gia belinna bangsa e, la lit kerembakenna ras dibatana bagi kerembakenta ras TUHAN Dibatanta, tep-tep kali ia erlebuh man dibatana e. Isampatina kita sanga kita perlu penampat.

Sanga kam i bas kepiceten, janah kerina si e jadi man bandu, i je maka dungna mulihken kam kempak TUHAN, maka kam erkemalangen man baNa.

Sitik pe ola tambahi, sitik pe ola kurangi kai si kuperentahken man bandu. Ikutken lah perentah-perentah TUHAN Dibatandu si enggo kubereken man bandu.