Popular Bible Verses from 2 RAJA-RAJA 5

Share

Naaman puanglima tentera Siria tuhu-tuhu ipehaga ras isayangi raja Siria, erkiteken arah Naaman me TUHAN enggo mereken kemenangen man tentera Siria. Ia sekalak tentera si mbisa, tapi lit penakit kulitna.

Isuruh Elisa sekalak suruh-suruhen ngatakenca man Naaman gelah ridi ia pitu kali i Lau Jordan, gelah malem penakitna.

E maka nusur Naaman ku Lau Jordan, igedapkenna bana pitu kali i bas lau e, bagi si iperentahken Elisa, e maka enggo malem ia tuhu-tuhu. Jukutna jadi bersih ras sehat, desken jukut sekalak danak-danak.

Tapi lawes Naaman alu merawa-rawa nina, “Kuakap kin reh ia ndahi aku, kenca bage ertoto ia man TUHAN Dibatana, iapkenna tanna i babo dagingku si penakiten gelah aku malem!

Tapi reh suruh-suruhenna ndeheri ia nina man Naaman, “Tuan, adi isuruh nabi e min ndai kam ngelakoken sada-sada dahin si mesera, tentu enggo ilakokenndu e. Genduari ngkai maka la banci kam ridi saja gelah malem?”

I bas sada wari nina anak diberu e man ndehara tuanna: “Lawes tuanku ndahi nabi si ringan i Samaria, tentu ipepalemna penakitna.”