Popular Bible Verses from 1 PETRUS 3

Share

Tapi mehamatlah kam man Kristus i bas pusuhndu, janah pehagalah IA selaku Tuhan. Ersikaplah katawari pe guna njabap kalak si mindo gelah iterangkenndu pengarapen si lit i bas kam. Tapi bahanlah e alu lemah lembut dingen mehamat. Jagalah maka pusuh peratenndu tetap bersih. Alu bage adi ihina kalak kam, kalak si ncekuraki lagu langkahndu si mehuli selaku kam pengikut Kristus, jadi mela iakapna erkiteken kai si ikatakenna.

Sabap Tuhan tetap natap kempak kalak bujur, janah tetap ibegikenNa pertotonna; tapi ilawanNa kalak si ndalanken perbahanen si jahat.”

La perlu ibahanndu barang-barang tambahen si arah darat guna nambahi jilendu, umpamana i bas kam pejile-jile bukndu, makeken perhiasen emas, ntah pe makeken uis mejile. Tapi bahanlah maka jilendu e rehna i bas pusuhndu nari, kejilen si la ermasap-masap, e me lemah lembut dingen ukur teneng. Enda me kejilen si meherga kal i lebe-lebe Dibata.

Bagi lit tersurat i bas Pustaka Si Badia, “Kalak si mesikel nggeluh cawir metua dingen senang, la banci melasken si jahat, bage pe la banci erbual. Arus jera ia i bas perbahanen-perbahanen si jahat nari, jenari ibahannalah si mehuli; arus idaramina tuhu-tuhu perdamen alu bulat ukur.

Dage kedungenna ersada min ukurndu ras ersada min penggejapenndu. Sikeleng-kelengen min kam bagi ersenina, dingen mesayang janah meteruk min ukurndu sekalak nandangi si debanna. Ola balas perbahanen si jahat alu si jahat, ntah sumpah alu sumpah. Tapi balaslah alu pasu-pasu, sabap pasu-pasu me si ipadanken Dibata iberekenNa man bandu, asum kam idiloNa.

Ise kin nuhsahi kam adi ergiah-giah ukurndu ndalanken si mehuli?

Arus jera ia i bas perbahanen-perbahanen si jahat nari, jenari ibahannalah si mehuli; arus idaramina tuhu-tuhu perdamen alu bulat ukur.

Sabap ulin me ngenanami kiniseran erkiteken perbahanen si mehuli, adi kin enda sura-sura Dibata, asangken erkiteken perbahanen si jahat.