Popular Bible Verses from Maatiwoos Mishiraachcha 7

Share

Odim Yesuus «Xa'mmehe, ki'nnuwwina uwwamookko. Hassehe, siiddakkamo. Goocanne uullitakka'a weeshshehe, ki'nnuwwinam fooqookko.

Mashka'oomim xa'mmukkaannina ayyenam uwwamookko; hasookkokim siixxookko; u'llummanne uullaa weeshoohaanninam fooqookko.

Odim Yesuus «Ayyi manchim an yummi luwwa macceesaa baxonne hosisookkok ixxi mine kinanne baxu qoor mancho labookko.

Manni ki'nnuwwina issona hassakkam luwwi hundam ki'nnuwwim mulli keenina issehe. Seerii hiraagaa'n losishshii kurookkok eehane» yukko.

Ihukkaarem heechchi kollonne massoo gooc xuqqa; taakke'imminam googoom hawwisoohane. Ee bikkina ee googo siixxoo keenim hofqaxa» yukko.

Odim Yesuus «Xuqqi goocinne aaggehe. Mashka'oomim bichchina massoo gooc haraara; googoomim hawwisoobee'ane. Ee googinne aagoo keenim duta.

Eehaara'i ki'nnuwwi jor keen ikkakko'isam ki'nnuwwi oosina er luchcho uwwimma laqqakkolas iimanenne yoo Waa'i ixxo uunxoo keenina hinkid lonsaa er luwwa uwwooyyo?

Odim Yesuus «Ki'nnuwwannem oogatamoobee'isa ayyennem oogattakkotte. Mashka'oomim ki'nnuwwi mulli keenonne oogattakko'isam ki'nnuwwannem oogatamookko. Mulli keenina keentakkam keennaanchonne ki'nnuwwinam keenamookko.

Ayyi manchim an yummi luwwa macceesaa baxonne hosisoobee'ek ixxi mine shashsharanne baxu qawwi mancho labookko.

Ki illenne yoo gudeera laqqoo'nnim mahina kiyyabbaayyi illenne yoo haccichcho moo'lloolla? Ki illenne gudeer hee'ukkuuyyim kiyyabbaayyina ‹Huno'o, ki illiinsi haccichcho fissoommo› yiteena hinkid xantootto?

Odim Yesuus «Qophpha'n hiraagaaniinsi ege'llehe. Haninne gereebba labba'a ki'nnuwwi beyyo waattamo. Ihukkaarem ixxuwwik wor sibaaru oro'isa. Ixxuwwam laqqakkamok baxxam baxinnette; uttiinsi woyi'n misha feerakkeena xanakkamonnihe? Te'im qaccabbiinsi oda'i misha feerakkamonnihe?

Er haqqi hundim er misham mishookko; ihukkaarem jor haqqi jor misham mishookko.

Er haqqi jor misha misheena xanooyyo; jor haqqim er misha misheena xanooyyo.

Er misha mishoobee'i haqqi hundim muramaa giiranne edamookko.