Popular Bible Verses from Yohaannis Mishiraachcha 15

Share

«An woyi'n xudina ama. Ki'nnuwwim caaffuwwa. Iinninne mat ihookkok anim ixxenne mat ihoommok ixxi lobakat misha mishookko. Iinniinsi annanni ikkakka'a maham issitakkeena xantakkamoyyo.

Ki'nnuwwi iinninne mat ikkehe; anim ki'nnuwwinne mat ihoommo. Caaf aminne mat ihubeelas ixxi gaginne misha misheena xanoobee'isam ki'nnuwwim iinninne mat ikkakkobeelas misha mishshakkeena xantakkamoyyo.

Ki'nnuwwi iinninne mat ikkakkolas i sagarim ki'nnuwwinne mat ihulas hassakko'i luwwi hundam xa'mmehe; siixxitakkamo.

An ki'nnuwwa doo'llummo bagaan ki'nnuwwi eese doo'llitakko'oyyo. Doo'llummokim i summinne xa'mmitakko'i luwwi hundam Iyyanni uwwoo'isina ki'nnuwwi mattakka'a hee'oo misha mishshakkamisinatte.

Mat manchi ixxi beshina ixxi foore higisaa uwwimmiinsi lophphoo iitti bee'e.

Eesenne yoo caaffuwwiinsi misha mishoobee'eka hundam Iyyanni muraa hoorookko. Ihukkaarem misha mishoo caafa hundam edaa mishoo'isina ballachchaa axisookko.

I ijaaj kane; An ki'nnuwwa iittummisam ki'nnuwwina'i ki'nnuwwim iittammehe.

Ki'nnuwwi lobakat misha mishshakkam ammane Iyyanni lomba siixxookko. I losaan ikkakko'isam eehanninne la'issakkamo.

Odim Yesuus «An hanqinam woyina yakkam xuda laboo haqqichchisa; kaasukkokim Iyyanna.

Ayyi manchim iinninne mat ihubeelas amiinsi annanni ihu caafisa uunjamaa gogookko. Gogaa lasage wixxaa'akka'a giiranne edakkamaare shokkookko.

«An ka woshsha ki'nnuwwina wocummok i liiranchi ki'nnuwwanne ihoo'isinatte; ki'nnuwwannem liiranchi wo'mmoo'isinatte.

An Iyyannika ijaajo egeraa ixxi iittonne hee'oommisam ki'nnuwwim i ijaajo egettakkolas i iittonne hee'llakkamo.

Ki'nnuwwina'i ki'nnuwwim iittantakkamisina kaba an ki'nnuwwa ijaajaammo.

Ki'nnuwwi ka uulli manni ikkakkota'n ka uulli manni ixxi keeno iittoo'isam ki'nnuwwam iittam hee'ukko. Ihukkaarem an ki'nnuwwa ka uulliinsi doo'llaammo. Ka uulli manni ki'nnuwwa saboo mashka'im ki'nnuwwi ka uulli manni ikkakkobee'i bikkinatte.