Popular Bible Verses from Yohaannis Mishiraachcha 12

Share

Ayyim iina awwaadookkok eese awwonimmi hasisookko. Iina awwaadookkok an yoommi beyyonne iinninne maqire hee'ookko. Iina awwaadookkoka ayyem Iyyanni lonsookko» yukko.

Ixxi foorina qishixxookkok bi'ixxookko. Ihukkaarem ka uullanne ixxi foore sabukkok heer heerina hee'oo heechchina gudixxookko.

Hanqinam an ki'nnuwwina kuroommo; mat arasichchi uullanne ubaa shamubeelas mexxokkichchim hee'ookko. Ihukkaarem shamulas lobakat misha mishookko.

Eesenne amma'nnookkok ayyim tuunsonne hee'oobee'isina an ka uullina caakki ihaa waaraammo.

Ayyim an yummoka macceesaa issubeelas ixxonne oogatoommok aneyyo. An waarummok ka uulla gatiseenatte bagaan ka uullanne oogateenayyo.

Naardoosa yakkam bito xee'aalli shitto'ika mat xaarmuus kollo ihooqaxa Maaraame eebba'a Yesuus lokkonne labba'a isaanninne horoo'l saraatinne shiinshitam hee'llo'o. Ee minennem shitto'ik enji wo'mmaa qibibukko.

Ee bikkina dimbaaphphi buyya amadda'a «Waa'ina lombi ihona! Waa'i summinne waaroo Isra'ee'l adil maasse'amaakkoohane!» yita'a shuuttu'uuyyi fitto'o.

Yesuus ixxuwwina dabaraa «Manchi Beet lobakat lomba siixxoo amman afaakko.