Popular Bible Verses from Dooyyi Kitaaba 9

Share

Ihukkaarem i summi uulli hundannem weeshamonaa i wodam kiina moo'iseenaa hasummi bikkina an keese ki'isaammo.

Waa'i Muse'ena «Adi'l beyyo mattaa Ibro'i minaadaphphi Moollanni Waa'i ‹Iina awwaaddamisina i minaadaba fatakihe.

Keesee ki minaadabaa boobaninne bi'iseena i anga ki'isaammoohan ihuta'n kabe'e uulliinsi bee'llakkam hee'llakko'o.

ki fooraam diinatenne hundannem jabbo eeboommo; ee bikkina farad, halli, gaameela'i, lar, gereebbii fella'ii hundim beeddookko. Ihukkaarem Waa'i Gibxikaa Isra'ee'llekaa diinate annanni issookko. Isra'ee'l diinatikim matim lehooyyo.

Ee bikkina soodo kido'i ammanenne Gibxanne ga'nnaa la'akkambee'i kee'mmaalli barada ga'nnisoommo. Kaba manna asse'llaa kiikka allaachchi diinatee amaxxaa hundam mine aagisiise; mine aagubee'i mannii diinatii hee'ulas baradinne beeddookko» yoolla› yitaa kure» yukko.

Oohim di'llisa ihaa Gibxi uullanne hundannem binnoohaare mannannee diinatennee mar xooqoo dashshi firookko» yukko. Ee bikkina Muse'ee Aaroonii midachchiinsi gii'lbuchcha amadda'a adi'l illagenne uullito'o; eekkam Muse'e hafachchanne binnaa'u ammanenne Gibxi uulli mannannee diinatennee mar xooqoo dashshi firukko.