Popular Bible Verses from Dooyyi Kitaaba 7

Share

Waa'i Muse'ena «An keese Faari'oonina Waa'isa issoommo; kiyyabbaayyi Aaroonim hiraagaanchisa keese bikkaa wocookko.

Ihukkaarem an Faari'oonika wodano duudisoommo; ee bikkina maham maalalsiisoo mare'e Gibxi uullanne issumta'nnim ki'nnuwwika woshsha macceesooyyo; ee lasage kee'mmaalli oogato'inne i gogota, i minaadaba, Isra'ee'l ooso ka uulliinsi fissoommo.

Gibxi minaadaba i wodinne aphphisaa Isra'ee'l ooso ee uulliinsi fissoommi ammane Gibxi uulli manni an Moollanni Waa'i ihummisa laqqamo» yukko.

Ee lasage qoolluwwaa kiiraanoo Faari'oon weeshukko; ixxuwwim falta'a ekee'nnisam issito'o. Ixxuwwi biccuwwam uullanne ubbuusso'aare hamashshi ihukko; ihukkaarem Aaroon bicci ixxuwwika biccuwwa hundam xuuxukko.

Waa'i issoo luwwinne iittitoo'nnim ixxo laqqootto; an ka biccinne ka wo'o aphphisoommo; wo'im xiig ihookko.

«Faari'oon ‹Hino'o maalalsiisoo mare'e baxxakka'a ki'nnuwwi ayyetda'e ikkakko'isa moo'issehe› yuta'n Aaroon ixxeka bicco adi'l illagenne ubbuusona; ee ammane oo bicci hamashshichchi ihookko» yukko. Ee bikkina Muse'ee Aaroonii Faari'oon beyyo matta'a Waa'i ijaajukkisa issito'o; Aaroonim ixxi bicco adi'l illagennee ixxi gassaa'n illagennee ubbuusu ammanenne hamashshichchi ihukko.