Popular Bible Verses from Dooyyi Kitaaba 32

Share

Minaadab Muse'e duunanne lobakata dasukkisa moo'lla'a lasage wixxita'a Aaroona kibbita'a «Ee neese Gibxiuulliinsi awwonsaa fissu Muse'enne mah afuda'e lanqumbee'i bikkina ni illaginne mattu'uuyyi neese awwonsitam waa'uwwa niina baxe» yito'o.

Waa'i Muse'ena «At Gibxi uulliinsi awwonsitaa fissitti ki minaadab huushamaakkoo bikkina qaqqissaa dille. Ixxuwwi egattona ijaajjitti googiinsi gaaggaabba'a fitto'ookko; ixxuwwi gaginam wee'ichchi kobi'llanne waa'a baxxo'ookko; ixxenam otossito'ookko; kitimam hincaa'llo'ookko; ee'isam ‹Isra'eela, keese Gibxi uulliinsi fissu waa'i kane› yito'ookko.

Aaroonim eekka moo'u ammanenne worqi wee'ichchi misi'l illagenne kiti'm beyyo baxaa soodo Waa'ina lombi ugud ihookko» yaa la'isukko. La'm balla daram minaadab ki'lla'a shokkiisakka'a hincaa'akkam kitimaa mateeyyoo'm kitimaa hincaa'llo'o; afuua'atim itta'atii agga'atii lasage kaddeena ki'llo'o.

La'm balli daram Muse'e Isra'ee'l oosina «Lobakata jor ihaakkoo baaxiilo baxxakko'ookko; ihukkaarem kaba odim an daba'llaa ee duuna Waa'i beyyo maroommo; ayyi la'ukko ki'nnuwwi baaxii'l bikkina haafite siideena xanoommi ihookko» yukko.