Popular Bible Verses from Dooyyi Kitaaba 2

Share

Ee laachcham macceesaa Abrihaamina, Yisaaqinaa Yaaqoobinaa aagu hidi'l sagara tiirukko. Waa'i Isra'ee'l oos agiddanonne hawwita'a u'nnanto'isa moo'aa ixxuwwi bikkina sawwukko.

Lobakat hiinchiinsi lasonne Gibxi uulli adil lehukko; ihukkaarem Isra'ee'l oos agiddanonne hee'llo'i bikkina hawwita'a laattam hee'llo'o. Waa'im ixxuwwi laachcha macceesukko.

Isem oo ciil li'aa lasonne adi'l landichchi beyyo eebbo'o; ciilim adi'l landichchona beet ihukko. Isem «Wo'iinsi fissummi bikkina ixxek summi ‹Muse› yamamona» yito'o.

Adi'l landichchom weeshanto'i meentichchona «Ka ciila massitaa anuuna iicissittuuyyi iina li'ise; anim ki badallatika miqoommo» yito'o. Ee bikkina oo meentichcho ciila massita'a anuuna iicisimma asheetto'o.

Ee lasage Faari'oon landichcho aanshaqqiteena daajje dillito'o; is awwaadaanim daajji gammalanne taakke'antam hee'llo'o; isem leendi woronne mat sananna moo'lla'a is awwaadaaniinsi mate ee sananna eebbamisina asse'llo'o.

Muse'e li'aa lasonne ixxi moolli ikko'i Ibro'i manna do'eena firukko; eekke'ennem malaayyinne kee'mmaalli baxo baxisakku'uuyyi moo'ukko; ixxi moolli ikko'i Ibro'i mannikam mato Gibxi uulli manchi ganukkuuyyi moo'ukko. Muse'e ixxi kululleetanne ayyim bee'isa moo'aa Gibxi uulli mancho shaa leeshooma shashsha'l woronne waammukko.