Popular Bible Verses from Luka 8

Share

Na toa twakea mo matɛkɛ maachi, atwo, twaeyana na baa bando baanga kuungwa Ikomo lya Kakua ne motema mwaachi ne we kiinɛkinɛ. Baa ne baanga kolebeka ne leobota bimuka, ko boa botokemya abɔ metema.»

Ne toa twakea mwingya mɛkɛɛ, totoeyana na baa baanga kuungwa Ikomo lya Kakua. Kɔmɔngɔ ikaa, le ikonja, nɛ kɛmɛmɔ kyɛ mɔsɛngɛ byaanga kukungunyeka lea Ikomo mo metema yaabɔ. Ko bobo batobota bimuka byatunga.

Na toa twakeela mo matanda, twaeyana na baa baanga kuungwa Ikomo lya Kakua, na kulibunda nɛ kɛmɛmɔ. Lea Ikomo ndelyaanga kuchikaa mo metema yaabɔ. Baanga kuliimenya mo keeko kyaɔma, ne atobaolelea kɔɛlɛkiwa, na basulisia.

Aɔ Yɛsu na kosaolea baeyechi bakɛ: «Kuimenya kwinu koe koni?» Abɔ na kotena, na kokanakana byabua. Abɔ na kobangoa kobochana: «Ona na moke mondo uutungweka nɛ lɔbɛ nɛ ndɛngu che maache, utubikandokea, ne na abyo bisumuungwa?»

Tumuka twakeela mɔsɛɛsɛ mwe njea totoeyana na baa baanga kuungwa Ikomo lya Kakua, kusia ne Isombo lesoletosa monda mwe metema yaabɔ, baoleaya mu kwimenya ne kooloka.

Kɛsɛ keemo kitwisekiwa, ketaisolwe kɔ basɛ. Nɛ kɛsɛ ketaketiwe mu kwisama, ketachebekwe ne kɔmɔɛka bongaala.

Amɔa olya mwa mokachi itɛ baomocheba, awɛ na koya kwa Yɛsu ne mochanjo wɛ bɔɔba. Awɛ na kubunga malu makɔngɔ kombaa kwa Yɛsu. Awɛ na kɔɔcha mo ndongo yee bando basɛ ko eke kɔkɔbɔchɛɛ awɛ Yɛsu ne boolokee awɛ akaɛ alya. Yɛsu na komosaolea: «Katombe kaanɛ, kuimenya kwao kosokoolola, yaaka ne nyaa.»

Abɔ na koya kwabyose Yɛsu mo kokandoka: «Mweyechi, Mweyechi, tosokwa!» Yɛsu na kobyoka, na kokandokea lɔbɛ nɛ ndɛngu che maache byabua, abyɔ na nyamea. Nyaa mekataa na koolea.