Popular Bible Verses from Lukas 14

Share

“Ware neng do yuma, sun nai yapu cap, sun nin yapu cap, sun nerapu cap, sun weitapsilip cap, sun pe nyapu cap tep, ila di dipru karerur dinin, ne tep nengeda, dipru yambula dipu karerurdi, ne tep tapmengopda, anengda, ne nyapu men kuptenge.

Tonda, ware neng do yuma, ne domyakankamneng taruda, sun pe sengdin co dopra, ne upu gekepra, ne tep men domyakankamneng nengda, ne nyapu men kuptenge. Ada sun pe keca tepapu, ‘Ange mambule,’ tenepmengedi, ‘Yuk nengdi nun popsenung’ tenen, dabal tenepmengedi, ne upu gekepra men domyakankamneng nengda, ne nyapu men kuptenge.” Yesusdi pepu.

Ada tali tep men pepsene. Ware nesala do yuma, sun pedi sun pepu eremdindaramenge nengda, amenda taru Allahdi aneng dopra amnge keipkamre. Dinino, sun dipru bouna di amnge kuramenge nengda, amenda taru Allahdi aneng erepra, telepaipu deipkamre,” Yesusdi pepu. Upepu dingeda, Yesusdi er bukmau ati deiyo ngebo tep pepu.

Adomon upu pepmasen neng kungetopu, tek sisinge deiyo ake. Ada, ‘Amenda ware kupkamser do?’ tenen, pio moupra tenimkamrume. Ange tep nengeda, ware neng do yuma, sun taleamenge keca men tapmengopda, ne men domyakankamnenge. Ne nyapu men kuptenge.

Upepu dingeda, ukupmanto upu ton pepu. Ware neng do yuma, ‘Nun ila lyom ati dopkup,’ teneptenge taruda, telep ngeda diptereptengedi, ‘Akwapmaner co bo cap, ati don keca cap deiki di gawal daktene do?’ moupra tenenkamenge. Akeca men diptereptenge teptoda, gonga keptengedi doramtenganen, ayumnya co cap, ati dela co neitamainge cap, konum doptengedi, yuma gawal men daktengedi taptengopda, yuk neng epmengedi, nyek-nyek pepmengedi aneng tep autunkamenge. Nyek-nyek pepmengedi, “Angeboda, ‘Ila ati dopkun’ tenen, gonga kepra dopbaramu dinin, suktalepudi, men gawal dakmanto kupka tep, tapu atep, erda walwal ngebo kurure, pepra nyek-nyek pepkamenge.”

Sun kailya kalepra derinkamrum taruda, tali kankan kunge nesala cap, yo kwanen nesala cap, ai bungne nesala cap, asuru pun nesala cap, ‘Sun yuma jeryankung’ tenen, upunkamrume. Ukuramum pangeda, Allahdi sun tep telep kudinkamsere. Ato nesalada, ka di tamupra, kailya kalepra men deipsetenge dinin, Allahdi sun dumsisi kunge nesala gam bukra deipkamre taruda, Allahdi sun kareamumnge kunumna tep, menenga keca weika di, tali karenkamsere.” Yesusdi er bukmau ati deiyo ngebo tep pepu.

Garam uwada, telep peramre deiyo keca gum kuptupane, ka tamupra telep kupra deiptumpa, tau peptu do? Gume, angeda pio men kupmanto tep, matang peprepa men jeptenge. Tali bura tara donokmengepa, nimidi akeca deiki yanipra embanunge. Garam uwa konum matang pepyopda, ware keca do yuma, yuk keca peda telep kupra men deiptue. Yuk keca di lepsikra telep kupra men deiptue. Ange utopu, sunda Allah upu perseretopu men kupmumdi, mali kun kecapu talepra kumum pangeda, yuk neng epmengedi, Allah kun keca men kael kepkamenge. Tonda, sun malipu kumum nengda, Allahdi tapkamsere. Atep, sun amul kwapserepa, ‘Aupu deiyoda ake’ tenen, gekepmanto nengda, moupra gekepkurume. Yesusdi aupu yuma pepu.