Popular Bible Verses from ดอ โฆว 37

Share

อู ซีแง อาโยว ตึอน อึณบาว. อัน วี กาลาง ลอง อัน ตี ดี อีกัด อัน. ปัน ตี เฆ แว รู กาปัว ดี อัน.

อาโกบ ตึอน ยี ร็อก อาโยว หลึอม ฆอน อีมาย อัน ดอน วี. โคว, อัน มูห ฆอน เตียะ อี ฆึอด ดอ แฮะ ฮอต กัด อัน. อัน บอ แตห อี โบง ซีโตว แคม, ดัว ดี ฆอน ปี ร็อก อัน ตี.

อีกัด อัน, เฆ บอ นับ, ฆูณ เฆ ร็อก อาโยว หลึอม เฆ, เฆ วี รู กาเซา ดี วา เฆ. เฆ ตู ซี ปึอน กาลาง โฆรห หมึอม ดี อัน.

วาย อัน ตี อาโยว ตึอน วี อึณบาว ปอ อู เฌณ. อัน วี ต็อห ดี อีกัด อัน, “โอว วี อึณบาว ปอ เฌณ. โอว แฮะ ยึร ซีแง ฆาย มาเฆียน บอ เฆ ซีมัณ ฆึร ดี อู โบ็ง. เฆ บอกาเฆลียด แฮะ โฆม ดี อาต โอว.”

เฆ อีกัด อัน, เฆ วี รู ดี อัน กาปัว. ฆูณ อัน ยี โนว อูน โตต แคง น็อห อัน, แตห อัน โหลห เซเซ.

อัน ต็อห ดี เฆ, “แตห เบ โทม ปี อึณบาว โอว. เอ ดอน อี กอย แคง โดง นา, ปัก ซีบัยะ โหงว. ซีบัยะ ปี ปัก โอว, อึณ บอ จ็อง ซืร. ซีบัยะ โหงว ปี ปัก เบ, เฆ วี ตัห กอย โรบ, โฆม ดี อาต ซีบัยะ โอว ตี.”

แตห เอ ง็อห อัน, แวน โดว อัน แคง กาเดา อึม คึม เฮณ. เอ วี กาลาง ดี ฆูณ เอ, อึณ แฮะ มึห มาโดว แปร แฮะ ตัห ก็อะ ยัม อัน. ปัน ตี เอ ดี บอ นับ, มาเซ อึณ มูห, ลอง แปะ แฮะ อึณบาว อัน.”

แฮะ ฮอต, ดูอี อาโมยว มีดีอาน, เฆ อี กาจึห กาย็อง โกรว, เฆ วี ตัห ฌัม โดง กอย อีกัด อาโยว ตึอน. ดอ อัน ตี อีกัด อาโยว วี ดึห อาโยว เลห ตัะ กาเดา, ย็อง อัน ดี ดูอี เฆ ตี, แตห เฆ ดึห อัน ฮาว มืง แอฆึบ. เฆ บอ ปึอน รึอน อา ฆึร โบ็ง.

เฆ ต็อห, “นู, ยอด, ดูอี อี นับ ดี อึณบาว แฮะ ตัห.

ดอ ยึร เฆ อีกัด อาโยว ดี อัน ดอ ซี กอย กาโต็ง อัน, อาต ตัห เครียะ อัน ดี เฆ, เฆ วี ลาย กามวน, ลาย โพรม ดี ง็อห แวน อัน.

แตห เอ บยัว อัน แคง กาเดา อึม คึม เฮณ. แกวะ แตห อัน ยัม.” อารูเบน ต็อห ปาย ตี แตห อัน ปึอน ดี คยอด วา อัน. แฮะ ฮอต, แตห อัน ปึอน ดี วี ตึย วา อัน ฌัม โดง กอย ฆูณ อัน.