Popular Bible Verses from LUKA 8

Share

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

Nlung hkrai re ai ga hta hkrat ai nli tum ni gaw, dai mungga hpe na la nna kabu gara ai myit hte hkap la ma ai. Rai ti mung, shanhte hta ru sung sung n jung ai majaw, tawng marang mi sha kam sham nhtawm, agung alau hkrum ai ten du jang, shanhte bai htak mat ai ni hpe ngu ai rai nga ai.

Dai rai nna shi gaw, “Nanhte a makam masham kanang rai wa malit ta?,” ngu nna shi a sape ni hpe tsun mu ai. Shanhte chyawm gaw hkrit gari ai hte mau mahka mat nna, “Ndai masha wa gaw kadai wa re ai i? Nbung hte hkaleng ni pyi, shi mungga dat nna daru wu yang, dai ni madat nga ma hka!” nga nna shada da tsun shajang ma ai.

Lam makau e hkrat ai nli tum ni gaw, mungga na la ai hpang, kam sham ai hte hkye hkrang la ai kaw n du lu mu ga, dai mungga hpe shanhte a kraw lawang ni kaw na nat e shaw la kau ya ai hkrum ai ni hpe ngu ai rai nga ai.

Hpa majaw nga yang, makoi da ai arai hpa mung dan dawng ai de shapraw shadan dat na ra ai; ka-up magap da ai, hpa baw mung, mu lu ai nhtoi de shapraw dan na ra ai.

Dai numsha gaw makoi magap n rai lu sai hpe chye wu jang, gari kawa rai sa nna, shi a lagaw nhpang e dingnyawm dagup let, hpa rai shi ahtawk ai lam, dai shaloi jang shi mai tsai mat ai lam masha mahkra a man e tsun dan wu ai. Yesu gaw, “Shayi sha e, na a kam sham ai gaw nang hpe shamai ya nit dai, ngwi pyaw ai hte wa u,” ngu nna shi hpe tsun dat wu ai.

Sape ni Madu kaw sa nhtawm, “Madu e, Madu e, anhte si na sha rai saga ai,” ngu nna shi hpe jasu mu ai. Shaloi shi rawt nna, nbung hte hkaleng ni hpe daru kau wu ai, dai ni mung sim mat wa nna, dai yang e atsin sim rai nga ai.