Popular Bible Verses from NINGPAWT NINGHPANG 37

Share

Yosep gaw kalang mi na aten hta yup mang mu nna shi a kahpu ni hpe dai lam hkai dan wu ai. Shanhte gaw shi hpe grau nna n ju nga ma ai.

Yaku mahtang shi asak kaba sayang she Yosep shangai wa wu ai majaw, shi a kasha kaga ni yawng hta shi hpe grau tsaw ra wu ai. Dai rai nna tsawm htap ai hte mawn sumli da ai palawng lawng ta galu langai mi chywi ya wu ai.

Shanhte a kawa shanhte hpe tsaw ra ai hta Yosep hpe mahtang grau nna tsaw ra ai hpe mu ma yang, shanhte gaw shanhte a kanau hpe grai wa n dawng nga ma ai hte shi hpe hku lahkun re ai lai hte n kam hkap shaga ma ai.

Dai hpang Yosep gaw yup mang kaga hpe mung bai mu nna shi a kahpu ni hpe, “Yup mang kaga mung ngai mu se ai; jan shata hte shagan shi langai, ngai hpe nawku dingnyawm ai hpe ngai mu nngai,” ngu nna tsun wu ai.

Yosep a kahpu ni gaw shi hpe yu manawn da mu tim, shi a kawa chyawm gaw dai lam mahkra hpe amyit yu nga wu ai.

Shi gaw, “Ngai mu ai yup mang hpe madat yu mu. Anhte yawng sun e hkaulan mam hkauling ni hpe gyit nga ga yang, nye a hkauling mahtang jan rai rawt tsap nga ai. Nanhte a hkauling ni chyawm gaw grup wan rai nna nye a hkauling hpe gum dagup nga ma ai,” ngu nna tsun wu ai.

Sa rit, ya chyawm gaw shi hpe sat kau nna, hkun hkraw ai hka htung langai ngai hta shi hpe kabai bang da gaw; matse labye dusat langai ngai mahtang shi hpe kawa sat kau nu ai, ngu nna anhte lu tsun na ga ai. Dai hpang shi a yup mang ni hpa tai na nu ai gaw, anhte mada yu ga,” ngu nna tsun hkat ma ai.

Midian hpaga masha nkau mi lai sa wa nga yang, kahpu kanau ni mung dai hka htung kata na gang shaw shapraw nhtawm Ishmaela masha ni hpe gumhpraw hkun hte dut kau dat ya mu ai. Shanhte mung shi hpe woi nna Egutu mung de woi mat wa ma ai.

Shanhte langai hte langai mung, “Yu mu, ndai yang e, yup mang mu ai wa du ra ai.

Shi tsan tsan e naw rai nga yang, shanhte shi hpe mu nna, shanhte kaw garai n du yang, shi hpe lagu sat kau na myit daw dan da mu ai.

rai ti mung, shi hpe chyawm gaw n machyi shangun ga,” ngu nna tsun wu ai. Shing ngu shi tsun ai gaw, Yosep hpe shanhte a lata kaw na hkye la nhtawm shi a kawa hpang de bai wa sa ya na matu maw mawn ai lam rai nga ai.