Popular Bible Verses from NINGPAWT NINGHPANG 32

Share

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

Dai masha wa gaw, “Ngai wa na ni ai; nhtoi mung htoi wa ra ai,” ngu nna tsun wu ai. Yaku mahtang, “Nang ngai hpe n shaman ya ai rai yang, ngai wa shangun na n rai,” ngu nna htan wu ai.

rai ti mung shi chyu sha shingdu e hti ngam nga wu ai. Shaloi masha langai mi sa nna nhtoi grai wa n san lu ai aten du hkra shi hte gamu hkat nga ai.

Yaku gaw, “Ngai gaw Karai Kasang hpe myi man chyaw mu se ai. Ngai mung ya du hkra naw ahkrung nga nngai,” ngu nna tsun wu ai. Shing rai dai shara hpe Hpeniela ngu nna shi shamying da wu ai.

Dai wa shi n dang lu ai hpe mu jang, Yaku a dangbau manat ya ai rai nna hkrihkraw kashai mat wu ai.

Dai wa gaw, “Na a mying hpa rai lit ta?,” ngu nna san wu ai. Shi gaw, “Yaku” ngu nna htan wu ai.

Yaku mung, “Na a mying ya jang ngai hpe tsun dan e,” ngu nna tsun wu ai. Rai ti mung, shi mahtang, “Nang hpa majaw nye a mying chye mayu nga n ni?,” ngu nna tsun nhtawm Yaku hpe shaman ya wu ai.

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

Yaku a dangbau kaw na lasa manat hkrum wu ai majaw Israela amyu ni dai ni du hkra, dai dangbau hkrihkraw ntsa na lasa n sha ma ai.

Dai hpang Yaku gaw, “Nye a aji Abraham a Karai Kasang nye wa Isak a Karai Kasang e, nye a akyu hpyi ga hpe na ya e! MADU e, nang ngai hpe nye a mung ga, nye a amyu ni shanu nga ai ga de nhtang wa na matu mung, nye a matu lam shagu hta mai kaja shangun na mung, nang tsun nit dai.

Nye hpu Esaw a lata kaw na ngai hpe hkye hkrang la e, ngai akyu hpyi nga nngai law. Ngai hkrit mung hkrit nga nngai-shi sa wa nna anhte hpe gasat nhtawm anhte yawng hpe mung, kanu ni hte kasha ni hpe pyi sa shamyit kau na hkrit nga nngai.