Popular Bible Verses from Maalʉko 14

Share

Nantele, ahayanga huje, “Daada, aawe hwaliiwe zyonti zibhombeha. Ɨhulaabha ʉnefwezye ʉlupɨndɨ ʉlwu ʉlwɨ mayɨmba. Leelo, zigandi abhombeshe ziila anɨ zyɨ‑ɨhwanza lwonti, lyoli zibhombeshe ziila aawe zyʉ‑ʉhwanza.”

Ɨpo ahabhabhʉʉzya huje, “Mubhanje maaso na‑apuute huje, mugandi amenwe nɨ njelo. Amooyo geenyu gasʉngwa abhombe shinza, leelo saga muli na maha.”

Lyoli ɨhubhabhʉʉzya huje, mu nsi zyonti, poponti abhantu pa bhahayilʉmbɨlɨlaga ɨNongwa ɨNyinza ɨzya huliinɨ, bhahayiyangaga ɨli lya‑abhombile ʉnʼshɨ ʉnʉ, ahumʼmwizushe.”

Ahabhabhʉʉzya huje, “Ʉmwoyo gwanɨ guzugumiiye apululile afwe. Amwɨ mukhale pɨɨpa, mubhe maaso.”

Lwa bhali alye, ʉYeesu aheega ɨntogito, ahanʼsalifya ʉNgʉlʉbhɨ, ahayimensulanya, ahabhapeela abhasundwe bhaakwe, ahaga, “Eji, mulye, ʉgu gwʉ mʼbɨlɨ gwanɨ.”

Nantele, aheega ʉlupɨndɨ ʉlwɨ divaayi, ahasalifya hwa Ngʉlʉbhɨ, ahabhapeela abhasundwe bhaakwe, bhonti bhahamwelela mu lupɨndɨ ʉlwo. Ahabhabhʉʉzya huje, “Ɨli lidanda lyanɨ lya lihwitiha hu nongwa ya bhantu abhinji, ɨlyo lisimishizya ilagano lya Ngʉlʉbhɨ na bhantu bhaakwe.

Lwa bhali mwi‑idala, ʉYeesu ahabhabhʉʉzya abhasundwe bhaakwe huje, “Mwenti amwɨ mubhala hunshɨmbɨle, mubhala hundeshe nɨmwene hwa gaala ga ganda afumile. Gabhala‑abhe nanshi ʉNgʉlʉbhɨ sha‑ahayanjile mu Nsimbo ɨMfinjile huje, ‘Nahayihunʼgoga ʉnʼdiimi, zyope ɨngoole zyakwe zyahayinyampaana.’

Ɨshi bhʉʉshi, saali! Enya, ʉmuntu ʉyo anza humbɨɨshe mu makhono ga bhalʉgʉ ali mu pɨɨpɨ, ahwɨnza.”

ɄYeesu ahamʼmʉʉzya ahaga, “Lyoli ɨhubhʉʉzya ɨnjiga, ʉsiku ʉwa sanyʉʉnʉ, ɨhanda shɨ‑ɨsɨɨle agʉgʉlɨɨje habhɨɨlɨ, ʉnza‑abhe wahaana anɨ hataatu huje saga ʉmɨɨnye anɨ.”