Popular Bible Verses from Luuka 9

Share

Ɨpo ʉYeesu ahabhabhʉʉzya abhantu bhonti ahaga, “Ʉmuntu wowonti ʉyo ahwanza humbɨnjɨɨlɨle anɨ, saga ahwanziwa huje, ahwisaagaje yʉʉyo, lyoli ahwifumyaje anyeemule ɨshikhobheehanyo shaakwe, nka‑ayandaje humbɨnjɨɨlɨle anɨ ɨnsiku zyonti.

Hwope ʉmuntu wowonti wa‑ahwanza ahwifyʉle ʉwʉʉmi waakwe, ahayihuwuteezya. Lyoli ʉla wa‑afumya ʉwʉʉmi waakwe hu nongwa yaanɨ, ahayihuwufyʉla.

ɄYeesu ahamʼmʉʉzya ahaga, “Ʉmuntu nkashele ahwanda alime ʉnʼgʉnda nɨ ngʼombe, ʉhwu agaluha ahwenye hwisinda, ʉyo saga akhondɨɨye abhe mʼmomvi mu wumwɨnɨ ʉwa Ngʉlʉbhɨ.”

Ʉmuntu anza huhaaje hantu heenu, nkashele wawaaga ʉtabhazi wonti ʉwa mu nsi ʉmu, na‑ateezye awe ayazye ʉwʉʉmi waakwe ʉwa wiila na wiila?

Ʉmuntu wowonti wa‑ahundolela ɨnsoni anɨ nɨ manyizyo zyanɨ, anɨ nɨMwana wa Muntu nahayihunʼnolela ɨnsoni ʉmuntu ʉyo lwɨ‑ɨhwiha mu mwamu waanɨ, ʉwa Yise waanɨ nʉ wa bhantumi abhasangalusu.

Ɨpo ʉYeesu ahaga, “Ɨmbɨla zili na magwenya aga‑agone, ɨnyonyi zili nɨ vyansʉ ɨvya‑agone, leelo anɨ nɨMwana wa Muntu saga ɨndi nɨ nyumba huje ɨngaagona.”

Ahabhabhʉʉzya ahaga, “Ʉmuntu wowonti wa‑ahumʼmwejeelela ʉmwana ʉnʼdoodo hu nongwa yaanɨ, ahunejeelela nɨɨnɨ. Nantele, ʉmuntu ʉla wa‑ahunejeelela anɨ, ahumʼmwejeelela yʉ Ngʉlʉbhɨ wa‑ahansonteleziizye anɨ. Ɨshi, wa‑ali nʼdoodo hu mwenti amwɨ, ʉyo wa‑ali nʼgoosi ashile amwɨ mwenti.”