Popular Bible Verses from Luuka 7

Share

Ɨshi ɨhubhʉʉzya, ʉlugano lwa nʼshɨ ʉnʉ lugoosi, pɨpo akhobhosheliilwe ɨmbiibhi zyakwe zya zili nyinji. Leelo wa‑akhobhoshelwa hadoodo, agana hadoodo.” Ɨpo ʉYeesu ahamʼmʉʉzya ʉnʼshɨ ʉla ahaga, “Ɨmbiibhi zyaho zikhobhosheliilwe.”

Ɨpo ʉYeesu ahamʼmʉʉzya ʉnʼshɨ ʉla ahaga, “Ʉfyʉlɨɨlwe, pɨpo ʉli nʉ lwɨtɨho. Bhalaga hu tengaanu.”

Ahɨmɨɨlɨla hwisinda pa pɨɨpɨ pa manama ga Yeesu. Ɨpo ahasugamila, ahanda alile, amansozi gaakwe gahazʉlʉshɨlaga mu manama ga Yeesu. Ahasyʉmʉlaga ni‑isisi lyakwe, ahanʼnunilaga mu manama gaakwe na humʼpotozye ɨnyemba zya zinunshila shinza.

Nantele, anɨ saga naalola huje, ɨhondɨɨye aje, anɨ ɨnɨnze huliiwe. Leelo, ʉyanje izwi lwene, wope ʉmʼmomvi waanɨ abhala‑apone. Ɨnjanjile ɨsho, pɨpo anɨ nanɨ ɨndi pa nsi pa bhalongozi bhaanɨ, nantele ɨndi na bhalwi bha bhali pa nsi yaanɨ. Nkashele ɨhunʼnajizya ʉmo mwa bheene huje, ‘Bhala,’ abhala lubhilo. Nkashele ɨhunʼnajizya ʉwamwabho mwa bheene huje, ‘Ɨnza,’ ahwɨnza wope lubhilo. Wope ʉmʼmomvi waanɨ nkashele ɨhunʼnajizya aje, ‘Bhomba ɨshi,’ abhomba shɨnɨɨsho.” ɄYeesu lwa wʉmvwa ɨzyo, ahaswiga tee. Ɨpo ahayeenya ɨmpʉga ya bhantu bha bhahanʼnondolezyaga, ahabhabhʉʉzya ahaga, “Ɨhubhabhʉʉzya huje, saga ɨndolile ʉmuntu nka weeka mwa Bhaizilaeeli ʉwɨ lwɨtɨho ʉlugoosi nanshi ʉlwu!”

Mu habhaazyo hɨnɨɨho, ʉYeesu ahabhaponiaga abhantu abhinji bha bhahalabhaga nɨ mpʉngo nyinji nyinji, na bhaala bha bhahakhɨɨtwe na mapepo. Nantele ahabhigulaga amaaso abhantonko abhinji, bhope bhahalolaga. Ɨpo ʉYeesu ahabhaamula ahaga, “Bhalaji mumʼmʉʉzye ʉYoohani zyonti zya muzilolile na huzyʉmvwe. Abhantonko bhalola, bha saga bhagajenda bhajenda, abhɨ makete bhapona na‑asangalushe, abhadinde bhahwʉmvwa, abhafwe bhazyʉha na bhapɨɨna bhalʉmbɨɨlɨlwa ɨNongwa ɨNyinza.