Popular Bible Verses from Luuka 11

Share

Poshe amwɨ muli bhɨ mbiibhi, leelo mumɨɨnye hubhapeele abhaana bheenyu ɨvintu ɨvinza. Lyoli ʉDaada weenyu ʉwa hu mwanya anza hubhapeele ʉMʼpepo ʉMʼfinjile hwa bhaala bha bhahunʼnaabha.”

Ɨshi ɨhubhabhʉʉzya huje, laabhaji namwɨ munza hwambɨɨlɨle, anzaji namwɨ munza huvyaje, iguzyaji namwɨ munza hwigulilwe ʉlyango.

Ɨnjanjile ɨsho, pɨpo ʉmuntu wowonti wa‑alaabha, ahwambɨɨlɨla, wa‑ahwanza, ahuvyaga, wa‑ahwiguzya, ahwigulilwa.

ɄYeesu ahabhabhʉʉzya ahaga, “Lwa mupuuta, mugaje, ‘Wee Daada wʉ‑ʉli hu mwanya, itaawa lyaho limwamihwaje, ʉwumwɨnɨ waaho wɨnzaje. Zyʉ‑ʉzigɨɨne zibhombehaje mu nsi ʉmu, nanshi sha zibhombeha hu mwanya.

Ʉtikhobhoshelaje ɨmbiibhi zyetu, nanshi atɨ sha tihubhakhobhoshela bhonti bha bhahutibhombela shibhiibhi. Ʉtilongozyaje huje, tigandi ahwinjile mu njelo, leelo ʉtifyʉle afume hwa Mʼmiibhi ʉla ʉSeetano.’ ”

Ʉtipeele ɨshalye sheetu ɨshɨ nsiku zyonti.

Amaaso gaaho kolobooyi yɨ mʼbɨlɨ gwaho. Amaaso gaaho nkashele galola shinza, ʉmʼbɨlɨ gwaho gwonti gubha nʉ lukhozyo. Leelo nkashele amaaso gaaho gafwiye, ʉmʼbɨlɨ gwaho gubha nɨ hiisi.

ɄYeesu ahonjela ayanje ahaga, “Saga alɨɨho ʉmuntu wa‑akhozya ɨkolobooyi na huyibhɨɨshe hu mfiso awe akwinshile nɨ nsonta. Lyoli, abhɨɨha pa mwanya pa mbeeje huje, abhantu lwa bhatʉʉha, bhalolaje ʉlulabho lwakwe.