Popular Bible Verses from Yoohani 6

Share

ɄYeesu ahabhaamula ahaga, “Anɨ ɨndi shalye ɨsho shihubhapeela abhantu ʉwʉʉmi. Ʉmuntu wowonti wa‑ahwɨnza huliinɨ na hunɨɨtɨshe, saga anza‑alole ɨnzala nɨ nyoota dumu.

ɄMʼpepo wa Ngʉlʉbhɨ ya yʉʉyo ahubhapeela abhantu ʉwʉʉmi ʉwa wiila na wiila. Ʉmuntu saga abhajiiye abhombe hohonti hwi‑ikhone lyakwe mwene. Amazwi ɨgo ɨmbabhʉzɨɨzye gafuma hwa Mʼpepo ʉMʼfinjile, nantele gahubhapeela ʉwʉʉmi ʉwa wiila na wiila.

Mugandi hushibhombele ɨmbombo ɨshalye ɨsho shinanjiha, leelo mubhanje mubhomba hu nongwa yɨ vyalye ɨvyo saga vinanjiha, ɨvyo vihubhapeela abhantu ʉwʉʉmi ʉwa wiila. Anɨ nɨMwana wa Muntu ɨhubhapeela abhantu ɨvyalye ɨvyo, pɨpo ʉDaada ʉNgʉlʉbhɨ ampiiye ikhone ɨlya‑abhombe ɨgo.”

ɄDaada ahwanza shila muntu ʉyo amanya huje anɨ ɨndi Mwana waakwe na hunɨɨtɨshe, awaaje ʉwʉʉmi ʉwa wiila. Anɨ nahayihunʼzyʉsya pi‑isiku ɨlya hu malishilo.”

ɄYeesu ahabhaamula ahaga, “Ɨmbombo ɨyo ʉNgʉlʉbhɨ ahwanza mubhombaje ya yɨɨnɨ, munɨɨtɨshe anɨ, ʉyo ɨnsonteleziiwe nʉ Ngʉlʉbhɨ.”

Abhantu bhonti ɨbho ʉDaada waanɨ ahumpeela, bhahayɨnza huliinɨ na hunɨɨtɨshe. Nantele anɨ saga ɨhunʼkhaana ʉmuntu wowonti wa‑ahwɨnza huliinɨ.

ɄSiimoni Peeteli ahamʼmwamula ahaga, “Wee Mwɨnɨ, yʉ naanu ʉwɨnjɨ ʉyo tibhajiiye abhale hwa mwene? Aawe weewe ʉli na mazwi ɨgo gahutipeela ʉwʉʉmi ʉwa wiila.

Anɨ ɨndi shalye ɨsho shifuma hu mwanya, ɨsho shihubhapeela abhantu ʉwʉʉmi. Ʉmuntu wowonti wa‑alya ɨshalye ɨshi, ahayibha nʉ wʉʉmi ʉwa wiila. Ɨshalye ɨshi mʼbɨlɨ gwanɨ, ʉgwo ɨnza‑afumye hwa bhantu bhonti huje bhabhe nʉ wʉʉmi ʉwa wiila.”

Nʉʉmo ʉmuntu ʉyo abhajiiye ahwɨnze hwaliinɨ nkashele ʉDaada ʉyo ahansonteleziizye saga anʼnongoziizye. Nanɨ nahayihunʼzyʉsya pi‑isiku ɨlya hu malishilo.

Ɨnjanjile ɨsho, pɨpo ɨshalye ɨshɨ lyoli nɨɨnɨ ʉyo ʉNgʉlʉbhɨ ahansonteleziizye afume hu mwanya huje ɨmbapeele abhantu bhonti ʉwʉʉmi ʉwa wiila na wiila.”

Anɨ ɨndi shalye ɨsho shihubhapeela abhantu ʉwʉʉmi.

Ɨpo ʉYeesu aheega ɨntogito ziila, ahanʼsalifya ʉNgʉlʉbhɨ, ahamensulanya, ahabhapeela abhantu bhonti ɨbho bhahali paala. Ahabhomba shɨɨsho nɨ nswɨ ziila zibhɨɨlɨ, shila muntu ahalya na‑angute nanshi ɨsho sha‑ahali ahwanza. Abhantu bhonti lwa bhanguta, ʉYeesu ahabhabhʉʉzya abhasundwe bhaakwe ahaga, “Bhʉngaanyi ɨvyalye vyonti ɨvyo visyalile huje vigandi ananjishe.”

Abhasundwe bha Yeesu lwa bhajenzya ʉwaato ɨkilomeeta zisaanu awe nʼtanda, bhahanʼnola ʉmuntu ajenda pa mwanya pa mɨnzɨ, ali pa pɨɨpɨ nʉ waato, ɨpo bhahoogopa tee. Leelo ʉYeesu ahabhabhʉʉzya ahaga, “Nɨɨnɨ, mugandi hwogope!”