Popular Bible Verses from માર્ક 6

Share

તાહા ઈસુની તેહાલા સાંગા, “યે જાગાવર યેનારા અન જાનારા પકા આહાત,” અન તેને કારને ઈસુ અન તેને ચેલા સાહલા ભાકર ખાવના સમય બી નીહી મીળ હતા. તાહા ઈસુની તેહાલા સાંગા, “ચાલા એક સુની જાગાવર જાવ, જઠ આપલે એખલલા રહી સકજહન અન થોડાક સમય આરામ કરી સકજહન.”

ઈસુની તેહાલા સાંગા, “એક દેવ કડુન સીકવનાર જઠ બી જાહા તેલા માન દેતાહા, પન પદરને ગાવમા, પદરને ઘરમા અન પદરને સગાવાળા સાહમા તેલા માન નીહી મીળ.”

જદવ ઈસુ હોડી માસુન ઉતરના, તેની તઠ એક લોકાસી મોઠી ભીડ હેરી, તેહાલા હેરી તેલા પકી દયા આની, કાહાકા તે તે મેંડાસે ગત હતાત કા તેહના કોની બાળદી નીહી આહા. તાહા ઈસુ તેહાલા ખુબ ગોઠી સીકવુલા લાગના.

ઈસુ તઠ તેહને અવીસવાસને કારને, થોડાક જ અજેરી લોકા સાહવર તેની હાત ઠેવીની તેહાલા બેસ કરા, તેને સીવાય તઠ કાહી પન ચમત્કાર નીહી કરી સકના. અન તેલા તેહને અવીસવાસવર નવાય લાગની તેને માગુન તો ચારી ચંબુતના ગાવાસાહમા ગે અન લોકા સાહલા દેવની બેસ ગોઠના પરચાર કરના.

ઈસુની પાંચ ભાકરી અન દોન માસા હાતમા લીની સરગ સવ હેરીની દેવલા આભાર માનના, અન ભાકરી મોડી-મોડી ન ચેલા સાહલા દે ત ગે, જેથી તે લોકા સાહલા વાટત, અન દોન માસા પન તે અખે સાહલા વાટી દીદાત. અન અખા લોકા પોટ ભરીની ખાયનાત. જદવ અખા ખાયનાત તદવ ચેલાસી ભાકરના અન માસાસા વદેલ કુટકા ગોળા કરાત, તેવાની બારા ડાલખા ભરનાત.