Popular Bible Verses from Génesis 15

Share

Nku̱neí iniꞌ Abram ni̱nu̱ꞌ iniꞌ re̱ꞌ I̱toꞌoꞌ‑ó jee saáva nkuna̱a̱ꞌ iniꞌ Ndiosíꞌ ya̱ kínóo na̱a̱ꞌ re̱ꞌ nu̱u̱nꞌ‑u.

Sáá njia̱ꞌa rá yaꞌá, nkenta tu̱ꞌun I̱toꞌoꞌ‑ó nu̱u̱nꞌ Abram sáá nxi̱nénu̱u̱nꞌ I̱toꞌoꞌ‑ó nu̱u̱nꞌ re̱ꞌ jee nkachiꞌ‑i: ―Koto yúꞌví nú, Abram, chi nuꞌuꞌ ví ya̱ nama noꞌó jee máá ñáꞌnú ví ta̱ꞌvi̱ꞌ taji ni̱ꞌ nu̱u̱nꞌ noꞌó.

Jee ntavaꞌ Ndiosíꞌ Abram chíkéꞌi jee nkachiꞌ‑i: ―Kune̱ꞌyá súkún, jee kaꞌvi rá tiu̱u̱nꞌ, retuan kuneí kaꞌvi nú ráa jee sukuán koo kue̱ꞌe̱ꞌ rá ichiyúkúnꞌ nú ―nkachiꞌ I̱toꞌoꞌ‑ó nu̱u̱nꞌ re̱ꞌ.

I̱ña̱jée nkenta tu̱ꞌun I̱toꞌoꞌ‑ó nu̱u̱nꞌ Abram: ―Nsú te̱e yaꞌá ví ya̱ kino̱o jín rá nantíñú nú. Ɨɨn se̱ꞌya yɨ́ɨ́ ya̱ kúvi se̱ꞌya ni̱ñɨ̱ꞌ nú ya̱ kene‑e nu̱u̱nꞌ nú ví ya̱ ni̱ꞌi̱nꞌ rá nantíñú nú.

Jee nkachiꞌ Ndiosíꞌ nu̱u̱nꞌ Abram: ―Kuniꞌ nijia nú ya̱ rá ichiyúkúnꞌ ya̱ kene nu̱u̱nꞌ nú kuvi ráa to̱ꞌo̱ꞌ kuneeꞌ ráa inka ñuunꞌ ya̱ ntu kúvi ñuunꞌ ráa. Jee satíñú ráa nu̱u̱nꞌ rá ñɨvɨ ñuunꞌ vá jee kuvi ráa musúꞌ keꞌen ñɨvɨ, jee koto u̱ꞌvi̱ꞌ rá ñɨvɨ vá ráa ku̱mi̱ꞌ sientúꞌ (400) kui̱ya̱ꞌ.

Soo nna̱xiníkó Abram: ―Ndiosíꞌ máá kúñáꞌnú ya̱ kúvi I̱toꞌoꞌ ni̱ꞌ, ¿na̱kui chi taji nú ta̱ꞌvi̱ꞌ nu̱u̱nꞌ ni̱ꞌ rúja?, chi ni ntu íyó se̱ꞌya ni̱ꞌ jee kino̱o nɨꞌɨ ya̱ kúmí ni̱ꞌ nu̱u̱nꞌ Eliezer ya̱ kúvi musúꞌ ni̱ꞌ ya̱ néen kuéntáꞌ re̱ꞌ veꞌi ni̱ꞌ ya̱ kúvi re̱ꞌ te̱e ñuunꞌ Damasco.

Máá ki̱vɨ̱ꞌ yukuán ñakɨnꞌ I̱toꞌoꞌ‑ó tratúꞌ jín Abram jee nchi̱sóyuꞌú re̱ꞌ nu̱u̱nꞌ Abram: ―Nu̱u̱nꞌ rá se̱ꞌya ichiyúkúnꞌ nú ya̱ váji ichinúúnꞌ ku̱ꞌva ni̱ꞌ ñuꞌun yaꞌá kénta ne̱ ntekáꞌnú naní Egipto jín ne̱ ntekáꞌnú naní Éufrates

Jee jia̱ꞌa ku̱mi̱ꞌ sientúꞌ (400) kui̱ya̱ꞌ ya̱ kueꞌnu ráa yukuán jee nanikó i̱i̱ꞌ rá se̱ꞌya ichiyúkúnꞌ nú nu̱u̱nꞌ ñuꞌun yaꞌá, chi ntiáꞌan kenta chitú kua̱chi sáꞌá rá ñɨvɨ amorreo ya̱ ntiáꞌan kenta tiempúꞌ xinóꞌo ni̱ꞌ ráa ―nkachiꞌ Ndiosíꞌ nu̱u̱nꞌ Abram.