Popular Bible Verses from Mk 9

Share

Zezi dir li, “To pe dir si ou kapav? Be tou kiksoz posib pou dimoun ki ena lafwa.”

Deswit papa garson la kriye, “Mo krwar; ed mwa, mo lafwa pa ase gran.”

Letan Zezi finn rant lakaz, bann disip ris li enn kote, zot dimann li, “Kifer nou pa finn kapav pous sa lespri la, nou?” Li dir zot, “Zis ar lapriyer ki sa kalite lespri la kapav sorti.”

Disel enn bon zafer, sa, selman si disel finn perdi so gou, ki ou pou servi pou asezone? Met disel dan zot lavi, viv dan lape avek tou dimoun.”

“Dimoun ki akey enn sa bann ti zanfan la, lor mo nom, li pe akeyir momem; e dimoun ki akeyir mwa, pa mwa li pe akeyir me seki finn avoy mwa la.”

Dimoun ki donn zot enn ver dilo, lor mo nom, parski zot krwar dan Lekris, laverite, laverite mo dir zot, li pa pou perdi so rekonpans.”

“Dimoun ki fer enn sa bann ti zanfan ki krwar dan mwa la tonbe, ti a preferab atas enn gro ros otour so likou e zet li dan lamer.

Si to lizie fer twa tonbe, aras li; preferab to mank enn lizie kan to rant dan Rwayom Bondie, ki to rant avek to de lizie dan lanfer