Popular Bible Verses from Mt 24

Share

E lemal pou ogmante, dimoun pou nepli kontan zot kamarad. Me dimoun ki persevere ziska lafin pou sove.

Bonn Nouvel Rwayom Bondie pou anonse partou dan lemonn, kouma enn temwagnaz pou tou bann nasion; lerla lafin pou vini.

E zot pou tann tapaz lager; asire ki zot pa gagn per, parski tousala pou arive, me lafin pa ankor arive.

Nasion pou lev kont nasion, rwayom kont rwayom, e pou ena lafaminn. Tousala zis komansman douler lanfantman.

Lesiel ek later pou disparet me mo parol pa pou disparet.

Pou ena boukou ki pou vini lor mo nom pou dir ‘Momem Lemesi!’

Dimoun pou livre zot, pou touy zot e tou bann nasion pou air zot akoz mo nom. Boukou pou abandonn zot lafwa, dimoun pou trayir e air zot kamarad. Boukou fos profet pou leve e pou anbet dimoun.

Zezi reponn zot, “Fer atansion ki personn pa antrenn zot dan perdision

Ala kifer, zot osi, zot bizin pare, parski Garson Limanite pou vinn enn ler ki zot pa kone.”

Alor, mo dir zot pran kont, parski personn pa kone ki zour zot Segner pou vini.

Ki zour, ki ler, personn pa kone, ni bann anz dan lesiel, ni mem Garson Limanite, zis papa la tousel kone.

Parski bann fos mesi ek fos profet pou vini; zot pou fer bann gran-gran sign ek mirak pou tronp mem bann ki Bondie finn swazir.

Kouma sa ti pase lepok Noe, koumsamem sa pou ete kan Garson Limanite pou vini. Parski avan inondasion vini, dimoun ti pe manze-bwar, zot ti pe marye ek aranz maryaz, ziska ki Noe rant dan lars. Personn pa ti pe dout nanye ziska ki deliz vini e balye zot tou. Koumsamem pou ete kan Garson Limanite vini.